Undanfarið hefir verið nóg að gera hjá blakdeild KA, með því að smella á lesa meiri finnur þú fréttir frá helstu atburðum tengdum deildinni.
|
| KA menn mjög sigursælir á lokahófi BLÍ |
KA menn voru sigursælir á lokahófi Blaksambands Íslands sem fram fór um helgina. Davíð Búi Halldórsson fékk verðlaun sem stigahæsti leikmaðurinn í sókn og sem bestur í móttöku. Hilmar Sigurjónsson var valinn efnilegastur og Filip Szewczyk besti uppspilarinn og Marek Bernat besti þjálfarinn.
|
|
| KA í þriðja sæti eftir tvo sigra á Þrótti |
KA menn unnu Þrótt frá Reykjavík í tvígang um helgina í karlaflokki. Fyrri leiknum lauk 1-3 (21-25,22-25,25-22,22-25) og þeim síðari 2-3 (26-24,25-21,19-25,19-25,14-16) eftir að Þróttur hafði komist í 2-0. Uppspilarinn Filip Szcewcyk var í leikbanni í síðari leiknum og kom það því í hlut Davíð Búa Halldórssonar að spila upp og fórst honum það vel úr hendi.
|
| |
| Tvö töp hjá kvennaliðinu |
Í Hagaskóla sigraði Þróttur Reykjavík vængbrotið KA lið í 1. deild kvenna. Þróttur sigraði fyrstu hrinuna á 12 mínútum, 25-7. Önnur hrinan fór 25-17 og sú þriðja 25-13. Seinni leiknum lauk einnig með öruggum sigri Þróttara 3-0 (25-22, 25-14, 25-6) en talsvert marga spilara vantaði í lið KA í þessum leikjum. Með sigrinum tryggði Þróttur sér deildarbikarinn og mætast þessi lið aftur í úrslitakeppninni 10. og 12. apríl nk.
|
| |
| Fjórir frá KA í landsliðið |
Fjórir leikmenn frá KA eru í landsliðshópum Íslands sem valdir voru nú á dögunum. Natalia Gomzina er eini leikmaður kvennaliðsins en Hilmar Sigurjónsson, Kristján Valdimarsson og Hafsteinn Valdimarsson voru valdir í karlaliðið en þeir eru aðeins 18 ára gamlir. Davíð Búi Halldórsson gaf ekki kost á sér í hópinn.
|
