Fundur um uppbyggingu á KA - svæðinu
Fundur um fyrirhugaða uppbyggingu á KA-Svæðinu var boðaður á mánudagskvöldið. Heldur fátt var á fundinum, aðeins á bilinu 20 – 25 manns.
*Tryggvi Gunnarsson varaformaður félagsins fór yfir þær tillögur sem
fyrirtæki Kollgáta hafði útbúið fyrir fundinn og var Logi Einarsson hjá Kollgátu jafnframt á staðnum og svaraði spurningum. Fundurinn
var frekar opinn og óformlegur og ræddu menn sín á milli um hvað þeim fannst best og hvað þeir vildu gera. Það mátti greina
það að tillögur 1 og 2 væru vinsælastar, sérstaklega tillaga 2. Logi vildi meina að það væri tillaga sem væri vert að skoða
því með að byggja stúkuna eins og sést hér á myndinni að neðan fengi K.A. mun stærra og nytsamlegra mannvirki.
Stóra grasmálið var einnig rætt, en skiptar skoðanir eru á því hvort að keppnisgras eigi að vera eða ekta gras. Þó er það vitað mál að ef að völlurinn á að nýtast eitthvað að viti þarf að vera keppnisgras á vellinum hvort sem mönnum líkar það betur eða verr.
Á næstu vikum og mánuðum verður unnið að þessum málum en það er Arkitekta og verkfræðistofa Hauks Haraldssonar sem mun annast verkið.
Tillaga 1, stúka byggð við Þingvallastræti og mun þá völlur og stúka snúa A-V.
Tillaga 2, stúka verði samtengd íþróttahúsi. Völlur og stúka snúi því í N-S.