KA - KR - síðasti leikur í Lengjubikarnum

KA-menn taka á móti KR-ingum í síðasta leiknum í Lengjubikarnum í fótbolta nk. föstudagskvöld kl. 19.15 í  Boganum. KR-ingar eru á mikilli siglingu og hafa unnið alla sex leiki sína í Lengjubikarnum og eru þegar búnir að tryggja sér sæti í undanúrslitum keppninnar. KA-menn verma hins vegar botnsæti riðilsins með fjögur stig - jafntefli gegn Selfyssingum og sigur á Þór í síðasta leik.