Sandor Matus áfram í herbúðum KA
fyrir áhuga frá liðum úr Landsbankadeild en þetta var ákveðið fyrr í dag. Hann mun skrifa undir nýjan þriggja ára samning við félagið á næstunni.Sandor lék 20 leiki með liðinu í fyrstu deildinni í sumar en hann kom til KA árið 2004 og hefur margoft sannað að hann er einn albesti markvörður landsins með stórkostlegum markvörslum. Til að mynda varði hann víti í stöðunni 0-0 gegn Leikni hér heima á mjög mikilvægum tímapunkti en með tapi hefði liðið verið í hrikalegum málum í fallbaráttunni og ekkert annað en sigur gegn Þór sem hefði hugsanlega getað bjargað liðinu.
Þetta verða að teljast mjög góð tíðindi en það er öllum liðum mikilvægt að hafa traustan markmann milli stanganna en óhætt er að segja að Sandor hafi verið lykilmaður undanfarin þrjú ár hjá liðinu.
Í sumar var hann einnig aðstoðarþjálfari liðsins eftir að Míló var sagt upp störfum.
Það er þó ekki eina vítið sem hann hefur varið í KA búningi en hann hefur verið mikill vítabani og ógleymanlegt er þegar hann varði öll þrjú vítin í vítaspyrnukeppni gegn ÍBV í VISA-bikarkeppninni á árunum.
,,Ég mun gera nýjan samning og vera áfram. Aðalmálið fyrir mig var að gera langan samning þar sem ég er ekki ungur," sagði Sandor í samtali við Fótbolta.net ,,Ég þekki líka lífið hér á Akureyri og kann vel við mig hjá KA," bætti Sandor við.
Þetta verða að teljast mjög góð tíðindi en það er öllum liðum mikilvægt að hafa traustan markmann milli stanganna en óhætt er að segja að Sandor hafi verið lykilmaður undanfarin þrjú ár hjá liðinu