Nágrannaslagur hjá stelpunum í kvöld

Blak

Blakveislan heldur áfram í kvöld þegar KA tekur á móti Völsung í nágrannaslag í úrvalsdeild kvenna klukkan 20:15. KA vann góðan heimasigur á Þrótti Fjarðabyggð um helgina og eru stelpurnar því með tvo sigra og eitt tap eftir fyrstu þrjá leiki sína.

Völsungur hefur einnig byrjað tímabilið af krafti en Húsvíkingar eru með tvo sigra og tvö töp eftir fyrstu fjóra leiki sína og samtals sjö stig en annað tapið var í oddahrinu og gaf þeim grænu því stig.

Lið Völsungs er öflugt og alveg ljóst að stelpurnar okkar þurfa að hafa heldur betur fyrir því að sækja þrjú stig í kvöld og hvetjum við alla sem geta til að mæta og styðja stelpurnar til sigus.

Annars er leikurinn í beinni á KA-TV fyrir einungis 800 krónur. Útsendinguna má nálgast með hlekknum hér fyrir neðan:

livey.events/ka-tv


Knattspyrnufélag Akureyrar  |  Dalsbraut 1 600 Akureyri  |  S. 462 3482  | blak@ka.is