Risaleikur í blakinu er KA tekur á móti HK

Það verður hart barist! (mynd: Þórir Tryggva)

Einn af stærstu leikjum Mizunodeildar karla í blaki fer fram í KA-Heimilinu á miðvikudaginn þegar KA tekur á móti HK. Liðin börðust um Íslandsmeistaratitilinn á síðustu leiktíð þar sem KA vann í hreinum úrslitaleik eftir svakalega baráttu!

HK hefur byrjað deildina af miklum krafti og er með 16 stig af 18 mögulegum en KA liðið hefur á sama tíma hikstað töluvert og er með 5 stig af 12 mögulegum. Það er því gríðarlega mikilvægt fyrir strákana að vinna leikinn og koma sér nær HK í baráttunni um Deildarmeistaratitilinn.

Leikurinn hefst klukkan 20:15 og hvetjum við alla sem geta til að mæta og styðja strákana til sigurs. Þetta er einn af stærstu leikjum tímabilsins og KA liðið þarf á þínum stuðning að halda!

Fyrir þá sem komast hinsvegar alls ekki á leikinn þá er hægt að fylgjast með gangi mála í beinni útsendingu KA-TV og er hægt að nálgast útsendinguna hér fyrir neðan.