Allt að smella á Akureyrarvelli! - Opið hús á morgun

Miklar framkvæmdir hafa staðið yfir á Akureyrarvelli, heimavelli KA, núna í sumar. Þetta er loksins allt að smella, stúkan að verða klár og þökulagning í kringum völlin hafin. Nú er nánast búið að þekja gömlu hlaupabrautina, síðan verður þökulagt sunnan við völlinn á næstunni. Það er síðan von manna að hægt verði að færa völlinn seinna meir aðeins sunnar á nýtt gras og sömuleiðis aðeins vestar, nær stúkunni. Það mun bæði bæta aðstæður til knattspyrnuiðkunar og einnig yfirlit yfir völlinn úr stúkunni.

Gaman er að geta þess að þetta er eini "Football stadium" á Akureyri, en aðrir fótboltavellir hér í bæ eru hluti af fjölnota íþróttasvæði. Rétt er að gleðjast yfir því að KA sé loksins komið með sinn heimavöll! Þegar undirritaðan bar að garði í gær voru vaskir menn á fullu við að þökuleggja austan meigin við völlinn. Hér eru nokkrar myndir.








Gömul vinnutækni sem menn lærðu hjá Akureyrarbæ rifjuð upp - "Að liggja frammá skóflurnar"... :-)