Andri Fannar á förum

Andri Fannar Stefánsson hefur ákveðið að segja skilið við KA nú í haust en samningur hans er útrunninn.  Andri hefur leikið með KA frá barnæsku,  á að baki 66 leiki með mfl. í deild og bikar og skorað hann 11 mörk í þessum leikjum.  Einnig hefur hann verið vel liðinn þjálfari hjá yngri flokkum KA, ásamt því sem hann hefur haldið vel utan um heimasíðu knattspyrnudeildar. 
Andra verður því sárt saknað í okkar röðum.

KA þakkar honum fyrir samveruna og óskar honum auðvitað góðs gengis á nýjum slóðum, og hver veit nema hann eigi aftur eftir að prýða gulu og bláu peysuna aftur þó síðar verði.

,,Þetta var erfið ákvörðun enda hef ég nánast átt heima í KA-heimilinu síðan ég kom þar á minu fyrstu æfingu um fimm ára gamall. KA er frábært félag og margt frábært fólk þar svo ég vona að stjórnin og þjálfari nái á komandi árum að byggja upp öflugt lið sem getur gert atlögu að úrvalsdeildarsæti,”  sagði Andri í stuttu samtali við heimasíðuna en hann hyggst spila í Pepsi-deildinni á næsta ári.

Einnig má segja frá því í lokin að auðvitað hefur www.ka-sport.is/fotbolti tryggt sér með þessu einn skrifara um útileiki okkar á næsta keppnistímabili.