Arnar Már Guðjónsson farinn til ÍA

Miðvallarleikmaðurinn og fyrirliði KA síðasta sumar, Arnar Már Guðjónsson, er farinn aftur til uppeldisfélags síns á Skaganum en þetta var staðfest bæði á vefsíðu Skagamanna og fótbolta.net


Arnar lék alla leiki liðsins í sumar og skoraði í þeim tvö mörk. Hann kom til liðsins haustið 2007 þegar Dínó tók við liðinu og lék Arnar strax stórt hlutverk á miðjunni og svo fór að eftir sumarið 2008 var hann valinn bestur á lokahófi deildarinnar.

Arnar segir að honum hafi líkað vel á Akureyri en það séu aðallega fjölskylduástæður ásamt því að vilja koma sínu uppeldisfélagi í fremstu röð sem hafi kallað hann heim á Skagann.