Bjarki Þór og Ívar Sigubjörns samningsbundnir út 2016
Unglingalandsliðsmennirnir Bjarki Þór Viðarsson og Ívar Sigurbjörnsson eru búnir að skrifa undir þriggja ára samning.
Bjarki Þór Viðarsson er fæddur 1997 verður því sautján ára á árinu. Bjarki Þór á að baki sjö landsleiki með U17 sem hann spilaði síðasta haust og núna í vor. Hann getur leikið flestar stöður á vellinum en er líklegt að við munum sjá hann mest í bakverðinum í sumar. Hann spilaði vinstri bakvörður í fyrri hálfleik gegn HK og á miðjunni í seinni hálfleik og stóð hann sig mjög vel í báðum leikstöðunum.
Ívar Sigurbjörnsson er fæddur 1996 og verður því átján ára á árinu. Ívar á að baki þrjá landsleiki með U18 sem hann spilaði síðsta sumar. Hans bestu leikstöður eru bakvarðastöðurnar og kantarnir.
Tveir efnilegir piltar sem verður gaman með að fylgjast með á næstu árum.