Boris Lumbana til KA

Sænski varnarmaðurinn Boris Lumbana hefur gengið til liðs við KA og er hann væntanlegur til landsins í dag og mun verða í æfingabúðum með KA-liðinu um helgina.

Boris Lumbana, sem er miðvörður en hefur einnig spilað á miðjunni hjá sænska úrvalsdeildarfélaginu Örebro, er fæddur 1991. Hann spilaði nokkra leiki með aðalliðinu á undirbúningstímabilinu.
Lumbana kom á reynslu til KA fyrir páska og í kjölfarið var gengið frá samningi við hann og Örebro um að hann komi til KA á láni út komandi keppnistímabil.