Fannar og Ævar Ingi valdir í U-17 landsliðið fyrir milliriðil Evrópumótsins
12.03.2012
Fannar Hafsteinsson og Ævar Ingi Jóhannesson, leikmenn 2. flokks og meistaraflokks KA, hafa verið valdir í U-17 landslið Íslands sem spilar í
milliriðli Evrópumóts landsliða í Skotlandi dagana 19.-25. mars.
U-17 landsliðið vann sér keppnisrétt í milliriðli í undanriðli Evrópumótsins í Ísrael sl. haust. Í milliriðlinum í Skotlandi spilar liðið þrjá leiki - sem hér segir:
20. mars - Danmörk - Ísland
22. mars - Skotland - Ísland
25. mars - Litháen - Ísland
Þeim Fannari og Ævari Inga eru sendar hamingjuóskir með að hafa verið valdir í landsliðið. Það verður gaman að fylgjast með
hvernig liðinu vegnar í Skotlandi.