Framkvæmdir á Akureyrarvelli í fullum gangi (Myndir)

Framkvæmdir við stúkuna á Akureyrarvelli eru í fullum gangi. Áæltuð verklok á öllu eru í ágúst en stúkan verður orðin góð að innan fyrir fyrsta leikinn sem spilaður verður á vellinum í byrjun júní. Stúkan verður öll hin glæsilegasta að innan, auk þess sem byggt verður við hana. Í viðbyggingunni verður aðstaða fyrir blaðamenn og lyfta fyrir hjólastóla. Við hér á síðunni fylgumst vel með gangi mála í stúkunni, hér er að finna myndir sem voru teknar í dag sem gefa góða mynd af umfangi framkvæmdarinnar.


Græn strá eru komin í kalblettina á vellinum - eintóm jákvæðni! Eddi "Dómari" vallarstjóri var hinn brattasti í dag.


Útlitið er talsvert breytt þegar þú gengur inn í stúkubygginguna.


Séð frá klefa KA - ný herbergi hafa verið sett upp á ganginum.


Á efri hæð stúkunnar.


Flottur veitingasalur að rísa - þarna verður hálfleikskaffið í sumar.


Eldhús verður sett upp.


Gríðarlegar framkvæmdir fyrir aftan stúkuna, búið að saga fyrir nýbyggingunni sem mun svo ná alveg niður.