Gassi: Getum hugsanlega dreift álaginu betur á milli valla

Eins og glöggir lesendur hafa tekið eftir eru framkvæmdir í gangi á Akureyrarvelli. KA – völlurinn verður þó að koma vel undan vetri til að allt eigi að ganga upp. Heimasíðan tók Gunnar Gunnarsson, Gassa, framkvæmdastjóra knattspyrnudeildar í smá spjall.

Jæja Gassi, núna er sumarið að koma og tímabilið fer að hefjast, hvernig er ástandið á völlunum eins og staðan er í dag?,,Ástand valla er erfitt þessa dagana en það er góð verðurspá næstu daga
þannig að við vonum að ástand valla verði þokkalegt fyrir sumarið.“

,,Meistaraflokkur hefur farið á fjórar grasæfingar á vellinum fyrir neðan Akureyrarvöll en það er en ekki víst hvenær æfingar hefjast á KA-svæðinu,“ sagði Gassi.

Nú fer tímabilið að hefjast og eins og vanalega er mikið af leikjum í sumar. En mun þetta leikjaálag hafa einhver áhrif á ástand vallanna?

,, Ef að vellirnir taka vel við sér næstu daga þá treysti ég frábærum vallarstarfsmönnum KA að halda völlunum í góðu ásigkomulagi í sumar, og svo höfum við KA-menn tekið yfir Akureyrarvöll þannig að hugsanlega getum við dreift álaginu betur á milli valla.“

Árlega er haldið á KA-svæðinu hið frábæra N1 mót og verður það glæsilegra með hverju árinu. Er búist við því að mótið verði ennþá stærra en í fyrra? ,,Undirbúningur fyrir N1 mót er í fullum gangi og þátttaka gríðarleg og eins og staðan er í dag þá verður þetta lang fjölmennsta N1 mót sem haldið hefur verið.“

Að lokum sagðist Gassi vilja sjá sem flesta á leikjum KA í sumar og styðja vel við bakið á sínum mönnum, allt frá yngri flokkum og upp í meistaraflokk. ,,Okkar markmið hjá KA er að taka vel á móti öllum sem koma á KA-svæðið sem og Akureyrarvöll,“ sagði Gassi, greinilega spenntur fyrir komandi fótboltasumri.