Jóhann Örn semur við KA
05.01.2012
Jóhann Örn Sigurjónsson og Óskar Þór Halldórsson, framkvæmdastjóri knattspyrnudeildar KA, skrifa undir tveggja ára samning í dag.
Framherjinn Jóhann Örn Sigurjónsson, sem er fæddur 1993, samdi í dag við knattspyrnudeild KA til tveggja ára.
Jóhann Örn er fæddur og uppalinn á Blönduósi, en flutti til Akureyrar og byrjaði að æfa og spila með KA þegar hann var á yngra ári í fimmta flokki og síðan hefur hann verið í eldlínunni í 5., 4., 3. og 2. flokki KA. Sumarið 2010 kom hann við sögu í tveimur meistaraflokksleikjum, þá á yngsta ári í 2. flokki, en sl. sumar bjó hann og starfaði á Akranesi en spilaði engu að síður nokkra leiki með 2. flokki KA. Jóhann Örn hefur í vetur æft og spilað með bæði meistaraflokki og 2. flokki KA.