KA-menn upp í annað sætið með sigri í kvöld - Diszlt maður leiksins

KA-menn lögðu ÍR-inga að velli í frábæru veðri á Akureyrarvellinum í kvöld með fimm mörkum gegn þremur.

Mörk KA-manna skoruðu Andri Fannar Stefánsson, Bjarni Pálmason og svo var það Ungverjinn David Disztl sem gerði sér lítið fyrir og skoraði þrennu. Sandor Matus varði vítaspyrnu í leiknum og Sandor Forisz fékk að líta rautt spjald eftir að hafa komið inn sem varamaður.

Nánari umfjöllun og myndir síðar.

Við viljum benda fólki sem hefur áhuga á góðu og vönduðu sjónvarpsefni á síðu 333 á textavarpinu þar sem KA menn eru gullitaðir í augnablikinu og verða vonandi sem lengst!

Maður leiksins var valin David Diszlt sem skoraði þrennu í leiknum. Hann fer út að borða á Strikinu, en Strikið gefur öllum þeim sem valdir eru menn leiksins út að borða í sumar.