KA upp um deild í 3. flokki karla

KA-strákar í þriðja flokki sigruðu Fjarðabyggð/Leikni í dag í Fjarðabyggðarhöllinni með einu marki gegn engu. Þessi sigur þýðir að KA, sem hefur verið í C-deild í þriðja flokki, vann þar með sæti í B-deild á næsta keppnistímabili og spilar við Þrótt Reykjavík nk. sunnudag kl. 14.00 á Blönduósi um sigur í C-deildinni. Sigurliðið úr þeim leik spilar síðan í úrslitakeppni um Íslandsmeistaratitilinn í 3. flokki karla.