Leik KA og KR í öðrum flokki frestað

Fyrirhuguðum leik KA og KR í 2. flokki sem fram átti að fara í dag hefur verið frestað um óákveðinn tíma. KR-ingarnir ætluðu að fljúga norður en vegna ösku í háloftunum úr eldgosinu í Eyjafjallajökli er ekki hægt að fljúga á milli Reykjavíkur og Akureyrar.

Þetta átti að vera fyrsti leikurinn hjá báðum liðum á tímabilinu og strákarnir búnir að bíða með mikilli eftirvæntingu en nú verður enginn leikur hjá þeim í kvöld.

Næsti leikur hjá þeim er því á mánudaginn gegn Stjörnunni og er hann hér á Akureyri, hvort hann verður í Boganum eða KA-velli er aftur á móti ekki búið að ákveða.