Mikilvægur heimaleikur í dag

Rajko ætlar að halda hreinu eins og í síðasta leik

KA tekur á móti Víkingi Ólafsvík í 17. umferð Pepsi deildarinnar í dag klukkan 18:00. Bæði lið eru í áhugaverðri stöðu en bæði er stutt í fallslaginn sem og upp í baráttuna í efri hluta deildarinnar.

Það er alveg ljóst að okkar lið ætlar sér sigur í dag enda hafa strákarnir engan áhuga á að vera bendlaðir við einhverja fallbaráttu. Liðið hefur leikið vel í sumar og gæti liðið hæglega verið með fleiri stig með aðeins meiri heppni.

Þegar liðin mættust fyrr í sumar í Ólafsvík vann KA frábæran 1-4 sigur þar sem að Emil Lyng skoraði þrennu og Elfar Árni Aðalsteinsson gerði eitt mark. Það má búast við hörkuleik í dag og hvetjum við alla sem geta til að mæta á Akureyrarvöll og styðja strákana til sigurs, þetta er einfaldlega gríðarlega mikilvægur leikur, áfram KA!