Myndaveislur: KA-menn á sjónum!

Lífið er ekki bara fótbolti,  leikir og æfingar hjá mfl. karla sbr.  þessa myndaveislu sem hér er boðið til. Umsögn GN um síðustu tvær sjóferðir KA-manna ásamt ógrynni af góðum myndum.

Myndir frá sjóstangveiðiferðinni

Myndir frá róðrakeppninni á Pollinum

Á dögunum reyndu þeir td fyrir sér sem fiskimenn þegar liðið fór á sjóstöng frá Árskógsströnd með Níelsi Jónssyni EA.
Eins og búast mátti við gekk mikið á í þessari veiðiferð og mörg gullkorn flugu. Sérstaklega var „eðlilegt" að heyra  hina veiðiglöðu ávarpa fiska og fagna komu þeirra á öngula eins og engin yrði morgundagurinn.  Menn veltu td fyrir sér hvað saklaus ufsi hefði til saka unnið þegar  Stubbs heyrist  segja  ,, Come to daddy son !!´´
Aðrir sýndu og sönnuðu  að þeir eru ekki veiðimenn enda s.s ekki allir sem geta eða þurfa að vera þannig.  T.d leikur grunur á því að ónefndur miðjumaður í mfl. hafi ekki orðið var þrátt fyrir rúmlega þriggja tíma ástundun, meðan aðrir mokuðu fiski á land !!

Það fór svo að tríóið sem skipað var þeim Kristjáni Páli, Dodda, og Orra öfluðu mest en þó þurfti bráðabana til þess að fá úrslit.  Sigur þeirra var svo innsiglaður þegar Kristján beit bakugga af þorskinum sem skóp sigur þeirra.  Mönnum þótti mjög vel að verki staðið hjá Kristjáni,  bitinn var á við heila máltíð.

Í þessari viku fór svo fram róðrarkeppni milli yngri og eldri svona a la Cambridge vs. Oxford.  Fengnir voru að láni tveir kappróðrarbátar frá Siglingaklúbbnum Nökkva og róið eins og lífið lægi við að líkamsræktarstöðinni Átaki og til baka.

Þessi keppni gleymist þeim sem sáu hana frekar seint annað liðið hreinlega stakk af astrax í upphafi og var ekki hægt að mæla með hefðbundnum hætti  þ.e bátslengdum. 
,,Við hefðum þurft að tala um skipslengdir´´ sagði einn gamall róðrarmeistari sem keppnina sá. 
Annað liðið  virtist ekki hafa gert annað um dagana en róa kappróðrarbátum meðan hitt virtist vera meira í því að refsa sjónum, með því að berja árum í hann, ,,Þetta er allavega ekki róður´´ sagði fyrrnefnd kempa og tók hraustlega í nefið. 

Til að  gæta sannmælis þá höfðu þeir sem töpuðu reyndar orð á því að hitt liðið hefið stolið árum úr bát þeirra fyrir keppni!!  Ekki veit pikkari hvort  var um að ræða afsökun eða staðreynd.  Það sem pikkari hinsvegar veit er að báðar  þessar ferðir voru mjög velheppnaðar, og myndirnar tók sérlegur papparassi okkar  Sævar Geir Sigurjónsson.