Frá vinstri: Sigmundur E. Ófeigsson, frkvstj. Norðlenska, Einar Ingimundarson, frkvstj. Íslenskra verðbréfa, Unnur Sigurðardóttir, form. yngriflokkaráðs KA í knattspyrnu og Steingrímur Birgisson, frkvstj. Hölds. Mynd. Sævar Geir Sigurjónsson.
Á kynningarkvöldi knattspyrnudeildar í gærkvöld var skrifað undir þrjá styrktarsamninga við yngriflokkastarf KA í knattspyrnu.
Fyrirtækin sem samið var við að þessu sinni eru Íslensk verðbréf, Norðlenska og Höldur. Fjórða samstarfsfyrirtækið er Brynja
ehf. og verður skrifað undir samning við það á næstu dögum. Í fyrra var skrifað undir samstarfssamning yngriflokkastarfsins við
Bústólpa.
Þessir samstarfssamningar gera það að verkum að yngriflokkastarfið getur látið öllum iðkendum yngri flokka félagsins í sumar, sem
má ætla að verði fast að 500, í té KA-jakka sem búbót með æfingagjöldum í sumar. Þetta er stórt og
glæsilegt verkefni sem hefði ekki verið hægt að ráðast í ef ekki hefði komið til þessi veglegi stuðningur fyrirtækjanna. Fyrir hann
vill yngriflokkastarf KA þakka af heilum hug.
