Soccerade: síðustu leikirnir í riðlum

Á mánudaginn leikur KA 2 gegn Þór 1 kl 19.00 en sá leikur er jafnframt úrslitaleikur A-riðils.

Við höfum hingað til unnið alla okkar leiki á mótinu. Yngri leikmenn hafa fengið smjörþefinn af meistaraflokks leikjum en alls hafa fjórir strákar úr 3. fl leikið á mótinu. Einhver forföll eru í hópnum að þessu sinni en eins og máltækið segir, það kemur maður í manns stað. Jafntefli dugar KA 1 til að tryggja sér 1. sæti B-riðils. KA 2 þarf aftur á móti sigur gegn Þór 1 þar sem Þór 1 hafa betri markatölu.

Hannes Jón Jónsson er að hefja sitt annað tímabil sem þjálfari. Í fyrra varð liðið undir hans stjórn í 2. sæti D-riðils í 3. deildinni en tapaði gegn Tindastól í úrslitakeppninni. Ibra Jagne sem spilaði með KA sumarið 2007 er allt í öllu í liði Grenvíkinganna. Aðrir leikmenn eru flestir uppaldir úr KA eða Þór. Í Soccerade hefur liðið tapað gegn Þór 2 og Völsungi illa en unnu góðan sigur gegn Tindastól. 

Hafa unnið alla þrjá leiki sína örugglega en voru þó ekki sannfærandi framan af gegn Dalvík/Reyni og KF. Liðið endaði í 2. sæti 1. deildar seinasta sumars og leika því í Pepsideildinni í sumar. Liðið er sem stendur með nánast sama mannskap og seinasta sumar. Á mánudaginn eru þeir klárlega sigurstranglegri aðilinn gegn KA 2 en eins og oft hefur komið á daginn þá getur allt gerst í fótbolta. Leikurinn á mánudaginn er úrslitaleikur A-riðils en bæði Þór og KA 2 eru með fullt hús stiga.