Stórleikur í Eyjum hjá Þór/KA

Stelpurnar hafa verið frábærar í sumar

Kvennalið Þórs/KA leikur í dag gríðarlega mikilvægan leik í toppbaráttu Pepsi deildarinnar þegar liðið sækir ÍBV heim til Vestmannaeyja. Leikurinn er liður í 15. umferð deildarinnar og er okkar lið með 8 stiga forskot á toppnum þegar einungis 12 stig eru eftir í pottinum.

Sigur í dag myndi fara langleiðina með það að tryggja Íslandsmeistaratitilinn en ÍBV er með hörkulið sem er komið alla leið í Bikarúrslitin og er ljóst að við ramman reip verður að draga hjá stelpunum. ÍBV verður að vinna leikinn til að halda lífi í titilvonum sínum og þá gæti Breiðablik í kjölfarið færst nær.

Leikurinn hefst klukkan 18:00 og hvetjum við alla sem geta til að mæta á leikinn, áfram Þór/KA!