Þór Greifamótsmeistari í 4. flokki kk í A- og B-liðum

Þórsarar gerðu sér lítið fyrir og sigruðu bæði í A- og B-liðum í Greifamóti KA, sem lauk á fjórða tímanum í dag. Í öðru sæti í A-liðum varð BÍ með jafnmörg stig og Þór, en markatala Vestfirðinganna var þremur mörkum óhagstæðari en Þórs. KA varð síðan í þriðja sæti í A-liðum.

Í B-liðum báru Þórsarar sigurorð af Kormáki/Hvöt - sameiginlegu liði Austur- og Vestur-Húnvetninga - með einu marki gegn engu í hreinum úrslitaleik. Í þriðja sæti í B-liðum varð Fjölnir. KA endaði í 6. sæti í B-liðum.

Öll úrslit leikja í mótinu má sjá á heimasíðu mótsins - http://www.ka-sport.is/greifamot/4fl/2012/?page_id=4