Tveir sigrar hjá öðrum - Boltinn farinn af stað hjá þriðja

Eftir dapra byrjun náði annar flokkurinn að rífa sig upp og landa tveimur sigrum og þá er boltinn farinn að rúlla hjá báðum liðum þriðja flokks. B-liðið hjá öðrum flokk hefur þó ekki hafið keppni en leiknum þeirra gegn ÍR var frestað til 14. júní.

3. flokkur - Vefsíða þriðja flokks
- A-deildin hjá A-liðinu
- Riðill A hjá B-liðinu
KA(A) 1 - 1 Fylkir
0-1 Fylkir (17)
1-1 Árni Arnar Sæmundsson (89)

KA(B) 0 - 2 Fylkir
0-1 Fylkir (Víti) (46)
0-2 Fylkir (53)
Rautt spjald: Ari Steinn Árnason (KA) (45)

2. flokkur - Vefsíða annars flokks
- A-deildin hjá A-liðinu
- B-liðsriðillinn
KA(A) 2 - 0 Fylkir 
1-0 Númi Stefánsson (25)
2-0 Arnór Egill Hallsson (60)

Góð frammistaða hjá strákunum sendi ríkjandi Íslandsmeistarana í Fylki heim tómhenta en greinilegt var á stemningunni innan liðsins að strákarnir ætluðu að koma til baka eftir að hafa einungis náð einu stigi af sex mögulegum í leikjunum á undan. Númi og Arnór skoruðu mörkin og þá misnotuðu KA-menn einnig vítaspyrnu í lok leiksins.

KA(A) 4 - 3 Víkingur/Berserkir
1-0 Sjálfsmark (18)
2-0 Arnór Egill Hallsson (25)
2-1 Víkingur/Berserkir (51)
2-2 Víkingur/Berserkir (53)
3-2 Númi Stefánsson (65)
4-2 Arnór Egill Hallsson (Víti) (89)
4-3 Víkingur/Berserkir (91)

Eftir að hafa tapað á móti Víkingunum fyrir sunnan kom ekki til greina hjá þeim að tapa stigi á heimavelli en leikurinn var í Boganum eins og Fylkisleikurinn. KA-menn byrjuðu vel og var fyrri hálfleikurinn prýðilega leikinn, fyrsta markið kom á 18. mínútu þegar varnarmaður Víkinga skallaði aukaspyrnu frá Davíði Rúnari í netið og fáeinum mínútum síðar jók Arnór Egill svo forystuna og þannig var í hálfleik. Strákarnir virtust svov gefa eftir í þeim síðari og hleyptu Víkingunum inn í leikinn með því að leyfa þeim að jafna. Númi kom KA-mönnum aftur yfir og svo skoraði Arnór Egill úr víti og staðan orðin 4-2 áður en Víkingar náðu að klóra í bakkann á lokaandartökum leiksins.

---

Næstu leikir:
Bæði lið þriðja flokks eiga erfiða útileiki fyrir höndum.
A-liðið:
Breiðablik - KA, föstudaginn 30. maí: 18:30
Fram - KA, sunnudaginn 1. júní: 12:00

B-liðið:
Breiðablik - KA, föstudaginn 30. maí: 20:00

Næstu leikir hjá öðrum flokknum eru heimaleikir á KA-vellinum.
A-liðið:
KA - ÍA, fimmtudaginn 5. júní: 20:00
KA - Höttur/Spyrnir (Bikar) fimmtudaginn 12. júní: 20:00

B-liðið:
 KA - ÍR, laugardaginn 14. júní: 17:00