U-17 liðið tók Ítalíu í kennslustund -Lára spilaði síðasta hálftímann

Stelpurnar í U-17 landsliðinu rúlluðu yfir Ítalíu í síðasta leik sínum í undanriðli Evrópukeppninnar í dag. Leikurinn var hreinn úrslitaleikur um sigur í riðlinum og glæstur 5-1 sigur fleytti liðinu í næsta skref keppninnar. Lára Einarsdóttir kom inná í stöðunni 3-1 og náði þar með sínum öðrum landsleik.

Stelpurnar eru nú komnar í milliriðla þar sem 16 bestu löndin munu keppa um sæti í undanúrslitum. Fara milliriðlarnir fram í apríl á næsta ári.

Mörkin skoruðu Aldís Kara Lúðvíksdóttir, FH (4) og Telma Þrastardóttir, Aftureldingu (1).