Umfjöllun: KA - Dalvík

KA tók á móti Dalvík í æfingaleik í Boganum í gær en þetta var síðasti leikur liðsins á þessu ári. Skemmst er frá því að segja að KA vann tiltölulega auðveldan 5-0 sigur.

Næsti leikur hjá liðinu er gegn Völsungum í opnunarleik Soccerademótsins en sá leikur fer fram 8. janúar en eins og við höfum áður greint frá sendir KA tvö lið til leiks í mótið sem hefst í byrjun janúar og stendur fram í febrúar.

KA 5 - 0 Dalvík
1-0 Arnór Egill Hallsson
2-0 Haukur Heiðar Hauksson
3-0 Jakob Hafsteinsson
4-0 Jakob Hafsteinsson
5-0 Guðmundur Óli Steingrímsson








Skiptingar: Allar í síðari hálfleik.
        Víkingur inn fyrir Ívar
        Ásgeir inn fyrir Arnór
        Óskar Þór inn fyrir Jakob
        Viktor inn fyrir Jón Heiðar
        Árni Arnar fyrir Ómar


Arnór Egill kom KA yfir strax í byrjun leiks þegar hann skoraði eftir snarpa skyndisókn sem endaði með stungusendingu frá Jakobi. Haukur Heiðar skoraði svo annað markið á glæsilegan hátt - tók boltann á kassann og með vinstri stöngin inn.

Næstu tvö mörk skoraði Jakob Hafsteinsson og var síðara markið laglega gert þegar hann vippaði yfir markvörð Dalvíkur.

Guðmundur Óli bætti svo við fimmta markinu og innsiglaði sigurinn undir lok leiksins þegar hann fékk boltann eftir skógarferð hjá markmanni Dalvíkur og lyfti boltanum yfir hann.