Umfjöllun: Afturelding - KA (Ásamt myndaveislu)
07.06.2009
Það var frekar fámennt á vellinum í kvöld þegar liðsmenn Aftureldingar tóku á móti KA mönnum á Varmárvelli.
Aðstæður til knattspyrnuiðkunar voru þó einkar góðar. Logn, hiti á bilinu 7-10 gráður og völlur þeirra Aftureldingarmanna
í flottu standi og greinilega að koma mjög vel undan vetri.
Afturelding 0 - 0 KA
Staðan í deildinni
Umfjöllun á Fótbolta.net: Stöngin út hjá KA-mönnum
Leikurinn byrjaði heldur rólega og var jafnræði með liðunum. En á 7. mínútu fékk Rannver Sigurjónsson, einn af sprækustu spilurum Aftureldingar manna, boltann á hægri kantinum, tók stuttan sprett og kom með fyrirgjöf fyrir sem Sandor Matus misreiknaði og munaði minnstu að Aftureldingar menn næðu að gera sér mat úr þessu. Óalgeng sjón hjá þessum sterka Ungverja sem er einn af frambærilegustu markmönnum Íslenskrar knattspyrnu í dag og ávallt öruggur í sínum aðgerðum.
Við þetta efldust Mosfellingar og við tók leikkafli þar sem þeir voru ögn sterkari aðilinn. Þeir pressuðu KA menn stíft nokkuð ofarlega á vellinum, náðu fíni spili á köflum en náðu þó aldrei að ógna marki KA manna nægilega mikið. Vörn KA manna með þá Norbert í hafsentinum og Túfa djúpan á miðjunni , sem báðir áttu flottan leik, komu í veg fyrir það. Ekki var það sama hægt að segja um leikmenn KA sem spiluðu framar á vellinum. Það var algjör hending ef þeir náðu 3-4 sendingum á milli manna í fætur og þjónustan sem David Ditzsl í framlínunni fékk var engin. Menn alltof taugaveiklaðir og undirritaður upplifði þetta sem sambland af stressi við hrópum og köllum frá Dean þjálfara og óvæntri hápressu frá UMFA sem kom leikmönnum algjörlega í opna skjöldu.
Á 22 mín fékk Dean boltann á vinstri kantinum, þar sem hann byrjaði í dag, kom með fallega fyrirgjöf til hægri á Arnar Má sem framlengdi hann síðan inn í teig þar sem munaði engu að David Ditzsl næði til knattarins en varnarmaður UMFA manna náði að bægja hættuni frá og í horn. Dean tók síðan hornið, UMFA menn skalla frá og boltinn barst síðan til Rannvers Sigurjónssonar sem æddi upp í hraðaupphlaup og átti síðan skot sem fór vel yfir.
Á 30 mínútu virtist svo vera að Dean hafi fengið tak í lærið og bað hann umsvifalaust um skiptingu sem Steingrímur Örn varð strax við. Inn á kom Orri Gústafsson sem átti fína innkomu. Barðist vel og átti sína spretti. Efnilegur strákur þar á ferð sem mun bara bæta sig enn meira með fleiri spilmínútum.
Á 35 mínutu átti Andri Fannar ágætt skot á markið sem fór framhjá. Andri hefði þar ekki átt að hlusta á samherja sína sem örguðu á hann að skjóta heldur fara mun nær sem hann hafði klárlega tíma og pláss til. Þarna voru KA menn byrjaðir að komast mun meira inn í leikinn, ná fleiri sendingum, mun rólegri á boltanum og gátu „klappað“ honum meira og betur. Einnig var greinilegt að UMFA menn voru fljótir að þreytast eftir mikla keyrslu og hápressu á fullu gasi í byrjun leiks. Greinilegt að form lærisveina Ólafs Ólafssonar, þjálfara UMFA, mætti vera mikið mun betra.
Rétt fyrir lok fyrri hálfleiks kom Hjalti aðeins upp úr vinstri bakverðinum og kom með frábæra fyrirgjöf utan af kanti inn í teig UMFA manna sem aðeins munaði hársbreidd að David Ditzsl næði að skalla en varnarmaður UMFA stökk aðeins hærra og stangaði honum burt frá hættusvæðinu. Ekkert fleira markvert gerðist og markalaust þegar Hans Scheving flautaði til loka fyrri hálfleiks.
Það var greinilegt að Dean Martin bauð upp á hárþurrkuaðferðina í hálfleik því KA menn mættu mun sprækari í seinni hálfleik og Aftureldingar menn gjörsamlega heillum horfnir, úthaldslitlir og leikur þeirra algjör katastrófa. Haukur Heiðar fékk gott skallafæri á 50 mín sem fór yfir, gamli KA maðurinn og markvörðurinn Kjartan Páll Þórarinsson varði síðan í tvígang vel frá leikmönnum KA stuttu seinna.
Á 67 mínútu fengu Aftureldingar menn síðan sitt besta færi í leiknum og voru KA menn stálheppnir að lenda ekki undir. Þar átti leikmaður nr. 30 skot sem fór hárfínt framhjá og KA menn gátu andað léttar. Það hefði svo sannarlega verið óverðskuldað og gegn gangi leiksins hefðu þeir sett hann þarna.
Síðustu 20 mínúturnar voru síðan eign KA manna frá A-Ö. Þeir voru líklega ca. 80 % með boltann á þeim leikkafla og alveg deginum ljósara að þeir eru allir í mun betra líkamlegu formi en liðsmenn Aftureldingar. Þessi 20 mínútna kafli sýndi líka hvað loftháða þolið er mikilvægt í knattspyrnu því þegar menn eru þreyttir og ekki með ferska fætur er ákaflega auðvelt að gera byrjendamistök sem sumir liðsmenn Aftureldingar gerðu sig seka um.
Orri Gústafsson átti síðan skot í innanverða stöngina á 78 mínútu eftir vel útfærða sókn KA manna og stuttu seinna átti Norbert Farkas hörkuskot sem small hátt í stönginni svo að heyrðist alla leið út á Tungubakka. UMFA menn stálheppnir þarna og lukkudísirnar aldeilis ekki á okkar bandi.
Áfram héldu KA menn að sækja stíft og UMFA menn lágu mjög aftarlega til baka og hreinlega tjölduðu í sínum eigin vítateig. En allt kom fyrir ekki og smámunasamur dómari leiksins, Hans Scheving, flautaði til leiksloka. KA menn gengu svekktir til búningsherbergja en UMFA menn gátu prísað sig sæla með 1 stig eftir þennan leik.
Niðurstaðan 1 stig eftir leik kvöldsins. 7 stig eftir 5 leiki, 3 mörk skoruð og 1 fengið á sig.
Vörnin er í toppmálum með besta markmann deildarinnar fyrir aftan sig. Bakverðirnir báðir fínir og þá sérstaklega Haukur Heiðar sem er fljótur og fylginn sér og vílar sér ekkert undan því að setja hausinn á undan sér og vaða upp kantinn. Norbert mjög traustur og fluglæs á leikinn. Rétt fyrir framan hann er síðan Túfa í því hlutverki sem hann sinnir sem best, að hirða upp alla lausu boltana og dreifa þeim á kantmennina. Arnar Már vinnur fullt af skallaboltum þrátt fyrir að vera ekki ýkja hár í loftinu og er fínn spilari. Andri góður að fá hann í lappir og að spila boltanum og finna glufur sem kannski ekki allir aðrir sjá. Sóknarleikurinn og markaleysið eðlilega eilítið vandamál. En ég er persónulega hrifinn af David Ditszl. Hann getur tekið vel við honum í lappir, skýlt honum og er alltaf hættulegur í loftinu þrátt fyrir að skallatækni hans megi bæta eilítið. Vonandi að hann komist í betra líkamlegra stand þegar líður á tímabilið og þá fara mörkin að detta inn. Svo vantar bara einhvern lítill og snöggan með honum (Orri Gústafs?) sem væri duglegur að nýta sér eyður og glufur í vörninni. Þá myndu styrkleikar Ditszl nýtast liðinu mikið mun meira.
- Davíð Már Kristinsson skrifar frá Varmárvelli
Afturelding 0 - 0 KA
Sandor
Haukur H. - Norbert - Sandor - Hjalti M.
Guðmundur Ó. - Túfa - Arnar M. - Dean M.
Andri F.
Disztl
Varamenn: Magnús Birkir Hilmarsson, Orri Gústafsson(Dean M.), Bjarni Pálmason(Guðmundur Óli), Steinþór Már,
Þórður Arnar(Sandor Forizs).Haukur H. - Norbert - Sandor - Hjalti M.
Guðmundur Ó. - Túfa - Arnar M. - Dean M.
Andri F.
Disztl
Staðan í deildinni
Umfjöllun á Fótbolta.net: Stöngin út hjá KA-mönnum
Leikurinn byrjaði heldur rólega og var jafnræði með liðunum. En á 7. mínútu fékk Rannver Sigurjónsson, einn af sprækustu spilurum Aftureldingar manna, boltann á hægri kantinum, tók stuttan sprett og kom með fyrirgjöf fyrir sem Sandor Matus misreiknaði og munaði minnstu að Aftureldingar menn næðu að gera sér mat úr þessu. Óalgeng sjón hjá þessum sterka Ungverja sem er einn af frambærilegustu markmönnum Íslenskrar knattspyrnu í dag og ávallt öruggur í sínum aðgerðum.
Við þetta efldust Mosfellingar og við tók leikkafli þar sem þeir voru ögn sterkari aðilinn. Þeir pressuðu KA menn stíft nokkuð ofarlega á vellinum, náðu fíni spili á köflum en náðu þó aldrei að ógna marki KA manna nægilega mikið. Vörn KA manna með þá Norbert í hafsentinum og Túfa djúpan á miðjunni , sem báðir áttu flottan leik, komu í veg fyrir það. Ekki var það sama hægt að segja um leikmenn KA sem spiluðu framar á vellinum. Það var algjör hending ef þeir náðu 3-4 sendingum á milli manna í fætur og þjónustan sem David Ditzsl í framlínunni fékk var engin. Menn alltof taugaveiklaðir og undirritaður upplifði þetta sem sambland af stressi við hrópum og köllum frá Dean þjálfara og óvæntri hápressu frá UMFA sem kom leikmönnum algjörlega í opna skjöldu.
Á 22 mín fékk Dean boltann á vinstri kantinum, þar sem hann byrjaði í dag, kom með fallega fyrirgjöf til hægri á Arnar Má sem framlengdi hann síðan inn í teig þar sem munaði engu að David Ditzsl næði til knattarins en varnarmaður UMFA manna náði að bægja hættuni frá og í horn. Dean tók síðan hornið, UMFA menn skalla frá og boltinn barst síðan til Rannvers Sigurjónssonar sem æddi upp í hraðaupphlaup og átti síðan skot sem fór vel yfir.
Á 30 mínútu virtist svo vera að Dean hafi fengið tak í lærið og bað hann umsvifalaust um skiptingu sem Steingrímur Örn varð strax við. Inn á kom Orri Gústafsson sem átti fína innkomu. Barðist vel og átti sína spretti. Efnilegur strákur þar á ferð sem mun bara bæta sig enn meira með fleiri spilmínútum.
Á 35 mínutu átti Andri Fannar ágætt skot á markið sem fór framhjá. Andri hefði þar ekki átt að hlusta á samherja sína sem örguðu á hann að skjóta heldur fara mun nær sem hann hafði klárlega tíma og pláss til. Þarna voru KA menn byrjaðir að komast mun meira inn í leikinn, ná fleiri sendingum, mun rólegri á boltanum og gátu „klappað“ honum meira og betur. Einnig var greinilegt að UMFA menn voru fljótir að þreytast eftir mikla keyrslu og hápressu á fullu gasi í byrjun leiks. Greinilegt að form lærisveina Ólafs Ólafssonar, þjálfara UMFA, mætti vera mikið mun betra.
Rétt fyrir lok fyrri hálfleiks kom Hjalti aðeins upp úr vinstri bakverðinum og kom með frábæra fyrirgjöf utan af kanti inn í teig UMFA manna sem aðeins munaði hársbreidd að David Ditzsl næði að skalla en varnarmaður UMFA stökk aðeins hærra og stangaði honum burt frá hættusvæðinu. Ekkert fleira markvert gerðist og markalaust þegar Hans Scheving flautaði til loka fyrri hálfleiks.
Það var greinilegt að Dean Martin bauð upp á hárþurrkuaðferðina í hálfleik því KA menn mættu mun sprækari í seinni hálfleik og Aftureldingar menn gjörsamlega heillum horfnir, úthaldslitlir og leikur þeirra algjör katastrófa. Haukur Heiðar fékk gott skallafæri á 50 mín sem fór yfir, gamli KA maðurinn og markvörðurinn Kjartan Páll Þórarinsson varði síðan í tvígang vel frá leikmönnum KA stuttu seinna.
Á 67 mínútu fengu Aftureldingar menn síðan sitt besta færi í leiknum og voru KA menn stálheppnir að lenda ekki undir. Þar átti leikmaður nr. 30 skot sem fór hárfínt framhjá og KA menn gátu andað léttar. Það hefði svo sannarlega verið óverðskuldað og gegn gangi leiksins hefðu þeir sett hann þarna.
Síðustu 20 mínúturnar voru síðan eign KA manna frá A-Ö. Þeir voru líklega ca. 80 % með boltann á þeim leikkafla og alveg deginum ljósara að þeir eru allir í mun betra líkamlegu formi en liðsmenn Aftureldingar. Þessi 20 mínútna kafli sýndi líka hvað loftháða þolið er mikilvægt í knattspyrnu því þegar menn eru þreyttir og ekki með ferska fætur er ákaflega auðvelt að gera byrjendamistök sem sumir liðsmenn Aftureldingar gerðu sig seka um.
Orri Gústafsson átti síðan skot í innanverða stöngina á 78 mínútu eftir vel útfærða sókn KA manna og stuttu seinna átti Norbert Farkas hörkuskot sem small hátt í stönginni svo að heyrðist alla leið út á Tungubakka. UMFA menn stálheppnir þarna og lukkudísirnar aldeilis ekki á okkar bandi.
Áfram héldu KA menn að sækja stíft og UMFA menn lágu mjög aftarlega til baka og hreinlega tjölduðu í sínum eigin vítateig. En allt kom fyrir ekki og smámunasamur dómari leiksins, Hans Scheving, flautaði til leiksloka. KA menn gengu svekktir til búningsherbergja en UMFA menn gátu prísað sig sæla með 1 stig eftir þennan leik.
Niðurstaðan 1 stig eftir leik kvöldsins. 7 stig eftir 5 leiki, 3 mörk skoruð og 1 fengið á sig.
Vörnin er í toppmálum með besta markmann deildarinnar fyrir aftan sig. Bakverðirnir báðir fínir og þá sérstaklega Haukur Heiðar sem er fljótur og fylginn sér og vílar sér ekkert undan því að setja hausinn á undan sér og vaða upp kantinn. Norbert mjög traustur og fluglæs á leikinn. Rétt fyrir framan hann er síðan Túfa í því hlutverki sem hann sinnir sem best, að hirða upp alla lausu boltana og dreifa þeim á kantmennina. Arnar Már vinnur fullt af skallaboltum þrátt fyrir að vera ekki ýkja hár í loftinu og er fínn spilari. Andri góður að fá hann í lappir og að spila boltanum og finna glufur sem kannski ekki allir aðrir sjá. Sóknarleikurinn og markaleysið eðlilega eilítið vandamál. En ég er persónulega hrifinn af David Ditszl. Hann getur tekið vel við honum í lappir, skýlt honum og er alltaf hættulegur í loftinu þrátt fyrir að skallatækni hans megi bæta eilítið. Vonandi að hann komist í betra líkamlegra stand þegar líður á tímabilið og þá fara mörkin að detta inn. Svo vantar bara einhvern lítill og snöggan með honum (Orri Gústafs?) sem væri duglegur að nýta sér eyður og glufur í vörninni. Þá myndu styrkleikar Ditszl nýtast liðinu mikið mun meira.
- Davíð Már Kristinsson skrifar frá Varmárvelli