Umfjöllun: ÍBV - KA

Sl. laugardag ferðuðust KA-menn til Vestmannaeyja til að taka á toppliði ÍBV sem hafði ekki tapað stigi fyrir leikinn og einungis fengið á sig eitt mark fyrir leikinn.

ÍBV 1 - 0 KA
1-0 Atli Heimisson ('66)

Umfjöllun á Fótbolta.net
Umfjöllun á Suðurlandinu.is
Leikskýrslan

---

Varamenn:  Guðmundur Óli(Andri F, 86. mín), Sveinn Elías(Dean M, 54. mín), Baldvin, Magnús Blö., Orri(Steinn, 75. mín).

---

Þar sem við vorum ekki með fréttaritara verðum við að benda á umfjallanir á öðrum miðlum og þar á meðal þessar tvær sem eru tenglar á hér að ofan. Þær gefa ágætis mynd af leiknum sem var tiltölulega vel leikinn hjá KA-mönnum þrátt fyrir tapið.

Liðið fékk enn og aftur á sig ódýrt mark og verður að fara koma í veg fyrir það en úti á vellinum var leikurinn jafn og KA-menn fengu þónokkur fín færi og pressuðu stíft í lokin. Til dæmis hefði Ingi Freyr getað jafnað metin þegar lítið var eftir þegar hann fékk frítt skot nánast af markteignum en því miður hafnaði skotið í varnarmanni Eyjamanna.

Staðreyndin samt sem áður 1-0 tap og það eru mörkin sem telja þó liðið hafi spilað vel. Eyjamenn með sex stiga forskot á toppnum eftir leikinn en KA-menn í áttunda sætinu en deildin er mjög jöfn á miðjusvæðinu og með sigri í næstu leikjum myndu KA-menn þokast hratt upp töfluna en næstu deildarleikir eru gegn Leikni, Þór og Stjörnunni.

Næsti leikur er þó hörkuleikur í bikarnum gegn Breiðablik á Kópavogsvelli á fimmtudaginn nk. kl. 18:00. Nánar um hann síðar.

Mynd: Túfa í leiknum á laugardaginn / sudurlandid.is