Umfjöllun: Sætur sigur á Víking
Leikurinn fór róelga og fyrsta hálftíman gerðist voðalega lítil, KA aðeins sterkari en náðu þó ekki að skapa sér alvöru færi, en það voru Víkingar sem skoruðu fyrsta mark leiksins á 33.mínútu þegar Kristinn Jóhannes Magnússon fékk boltann fyrir utan vítateig og lét ekki deigan síga og lét vaða á markið, og boltinn söng uppí samúel, óverjandi fyrir Sando Matus í marki KA.
En KA menn vöknuðu aðeins til lífsins eftir þetta og voru töluvert betri það sem eftir lifði hálfleiksins, á 44 mínútu voru þeir í tvígang nærri því að jafna metin, en Dean Martin slapp einn í gegn en varnarmaður Víkings fórnaði sér frábærlega fyrir skot Dínó, og fór boltinn í horn, hornið tók Díno og náði hann flottum bolta á nær svæðið þar sem fyrirliðinn Arnar Már stóð og náði að henda kollinum fyrir boltann, en varnarmaður Víkings en og aftur vel með á nótunum og bjargaði á línu, en fleiri urðu færin ekki í fyrri hálfleik og því héldu Víkings menn með 1-0 forystu til búningsherbergja
Víkingar byrjuðu seinni hálfleikinn betur og á 48 mínútu átti Magnús Þormar flottann sprett upp völlinn sem endaði með flottu skoti, en boltinn fór í þverslánna.
Eftir það tóku KA menn leikinn í sínar hendur og voru mikið mun sterkari það sem eftir lifði, frábær barátta og flott pressa borgaði sig svo loksins á 85.mínútu þegar Víkingar komu boltanum ekki í burtu, og boltinn barst á Arnar Má Guðjónsson sem hamraði boltann í slánna og inn, frábært mark hjá Arnari en þetta var aðeins hans annað mark á tímabilinu,
KA menn héldu pressunni áfram og á 92.mínútu náði Dínó flottum bolta fyrir, beint á hausinn á hinum unga og efnilega Orra Gústafssyni, sem hafði komið inná sem varamaður, sem skallaði boltann af stakri prýði í netið. Þetta var það síðasta sem gerðist í leiknum og því hrósuðu KA menn flottum 2-1 baráttu sigri.
-Jóhann Már Kristinsson