Umfjöllun: Leiknir - KA

KA-menn endurheimtu fjórða sætið með 3-2 sigri á Leikni í Breiðholtinu á laugardaginn en upphaflega átti leikurinn að fara fram deginum áður en vegna veðurs komust KA-menn ekki suður þá.

Leiknir R. 2 - 3 KA
0-1 Norbert Farkas ('19)
0-2 Andri Júlíusson ('45)
0-3 Andri Júlíusson ('58)
1-3 Hilmar Árni Halldórsson ('56)
2-3 Halldór Kristinn Halldórsson ('66)

Umfjöllun á Fótbolta.net
Staðan í deildinni
Leikskýrslan

---

Varamenn: Davíð Rúnar Bjarnason, Kristinn Þór Björnsson, Magnús Blöndal(Hjalti Már, 71mín), Orri Gústafsson(Gyula Horvarth, 46mín), Arnór Egill Hallsson.

---

Liðið var nokkuð breytt frá seinasta leik, Haukur Heiðar var erlendis með U18ára landsliðinu ásamt Andra Fannari og fór Janez í hægri bakvörðinn í stað Hauks. Þá fór Norbert í miðvörðinn og Dínó færði sig inn á miðjuna með Andra Júl á hægri kantinum og Inga Frey á þeim vinstri og Júlla á toppnum.
Annað var óbreytt, Túfa og Arnar Már á miðjunni og Sandor á sínum stað á milli stanganna.

Okkar maður á vellinum forfallaðist en samkvæmt heimildum síðunnar var fyrri hálfleikurinn virkilega vel leikinn en það sést bersýnilega á því að staðan var 2-0 í hálfleik fyrir okkar mönnum með mörkum frá Nobba og Andra Júl.

Svo virðist sem í þeim síðari hafi eitthvað kæruleysi komið upp og við hleypt Leiknismönnum sem standa nú í harðri fallbaráttu heldur nálægt okkur en í hálfleik fór Júlli útaf meiddur og inn fyrir hann kom hinn ungi Orri Gústafsson. Einnig kom Magnús Blöndal, annar ungur leikmaður, inn á í leiknum en til gamans má geta þess að bekkurinn var einungis skipaður leikmönnum úr öðrum flokki og þá vantaði þrjá sem hafa verið fastamenn í hópnum í sumar, þá Andra Fannar, Hauk Heiðar og Stein Gunnarsson sem var einnig erlendis á laugardaginn.

Góður útisigur og fjórða sætið orðið okkar. Næsti leikur er svo stórleikur gegn nágrönnum okkar í Þór á Akureyrarvellinum á miðvikudaginn nk. Nánar um hann síðar.

Til að sjá myndaveislu úr leiknum skal smella hér eða einfaldlega fara á myndasíðuna hér til vinstri.