Upphitun: 6 stiga leikur í firðinum

Á Þriðjudaginn þurfa KA menn að ferðast suður fyrir fjöll þar sem þeir etja kappi við Hauka að Ásvöllum, um sannkallaðan 6 stiga leik er að ræða en ef svo fer að Haukar landi sigri komast þeir 8 stigum fyrir ofan KA, sem þýðir hálfpartinn það að úrvalsdeildar sæti verði að bíða betri tíma, því er mikil vægt að fólk sem hefur tök á að mæta á leikinn, mæti og styðji okkar menn.

Þegar liðin mættust síðast í kapp leik, 11, júní síðastliðin á Akureyrarvelli, höfðu okkar menn betur 1-0. En á þeim tímapunkti sátu Haukar á toppnum. Það var hinn eini sanni David Disztl sem tryggði KA sigurinn með sínu fyrsta marki fyrir liðið.

Alls hafa liðin mæst sjö sinnum í deildarkeppni,
KA hafa unnið 4
Haukar 1
og tvisvar hafa liðin skilið jöfn, en báðir þeir leikir fóru fram að Ásvöllum.

Haukar
Haukarnir hafa spilað vel á þessari leiktíð og verið frekar stöðugir bæði heima og að heiman, liðið hefur verið í toppsætunum allt tímabilið og situr nú sem stendur í 2.sæti, 5 stigum fyrir ofan okkar menn.
Það vekur athygli að liðið hefur aðeins tapað einum leik gegn toppliðunum á tímabilinu og var það gegn okkar mönnum,
Þjálfarar og fyrirliðar spáðu liðinu 6.sæti í deildinni í ár, en liðið hefur sýnt það í ár að það á heima mun ofar en það. Haukarnir hafa verið sterkir varnarlega í sumar og hafa aðeins fengið á sig 18 mörk en aðeins KA hafa fengið á sig færri mörk, þeirra sterkasti varnarmaður Þórhallur Dan Jóhansson

Styrkleikar: Haukar hafa mikla reynslu varnarlega og eru með ágætis blöndu af reynsluboltum og svo ungum sprækum leikmönnum í sínu liði. Sérstaklega góður reynsluskammtur aftarlega á vellinum. Liðið getur spilað ansi vel saman þegar það dettur í gírinn enda með samheldinn hóp og flestir leikmanna spiluðu upp 2. flokkinn hjá Haukum.

Veikleikar: Breiddin gæti orðið vandamál enda er hún ákaflega lítil og liðið má vart við neinum skakkaföllum. Ekki er mjög mikill hraði í vörninni og gætu þeir lent í vandræðum gegn snöggum sóknarmönnum. Eftir góða byrjun í fyrra þá hrundi leikur liðsins og ljóst að meiri stöðugleika þarf í liðið.

Þjálfari: Andri Marteinsson er að sigla inn í sitt þriðja tímabil með liðið. Hann náði mjög góðum árangri á fyrsta tímabili sínu og vann 2. deildina. Á síðasta tímabili má síðan segja að liðið hafi lokið keppni á pari, hafnaði í sjötta sæti deildarinnar. Andri er 43 ára og er einn af leikjahæstu mönnum efstu deildar frá upphafi en hann lék yfir 200 leiki í deildinni með liðum eins og Fylki, KR, FH og Víkingi og þá lék hann einnig 20 A-landsleiki.

Lykilmenn: Þórhallur Dan Jóhannsson, Hilmar Trausti Arnarsson og Hilmar Geir Eiðsson.

 

KA

Með sigri á Aftureldingu náðu KA menn að koma sér aftur í toppbaráttuna og sitja nú í 4.sæti 9 stigum á eftir Selfoss á toppnum. KA hefur nú sigrað tvö leiki í röð og hafa komið sér aftur á beinu brautina eftir aldeilis slakan kafla í seinni hluta Júlí mánaðar. Nú eru aðeins 6 leikir eftir á móti, Haukum úti, ÍA heima, Víking ó heima, ÍR úti, Víking R heima og síðasti leikurinn verður úti leikur gegn HK. Það er alveg ljóst að 4 af þessum 6 leikjum verða hörkuleikir og er því mikilvægt að ná að ná 3 stigum úr öllum leikjunum ef Pepsi deildar sætið á að verða að veruleika á næsta ári.

17.umferð

þri. 18. ágú. 09 18:00 Fjarðabyggð - Víkingur R. Eskifjarðarvöllur

þri. 18. ágú. 09 19:00 Afturelding - ÍR Varmárvöllur

þri. 18. ágú. 09 19:00 Leiknir R. - HK Leiknisvöllur

þri. 18. ágú. 09 19:00 ÍA - Víkingur Ó. Akranesvöllur    

þri. 18. ágú. 09 19:15 Þór - Selfoss Þórsvöllur

 

 

Þorvaldur Árnason verður með flautuna í leiknum og honum til aðstoðar verða þeir Þórður Már Gylfason og Haukur Erlingsson

 

 

-Jóhann Már