Upphitun: Haukar - KA

Í kvöld mætast KA-menn og Haukar á gervigrasinu að Ásvöllum í Hafnarfrði, leikurinn fer fram kl 19:15 og hvetjum við alla KA-menn fyrir sunnan að kíkja á leikinn og styðja sína menn til sigurs.

Haukar:
KA mætti Haukum í 4.umferð og fóru með 2-1 sigur að hólmi þar semGuðmundur Óli og Þórður Arnar skoruðu mörk KA. Það var hins vegar Denis Curic sem skoraði mark Hauka. Denis Curic hefur alls skorað 9 mörk í sumar og er markahæsti leikmaður Hauka.

Haukar eru í 4.sæti með 24 stig, 11 stig á heimavelli og 13 á útivelli. Haukamenn unnu góðan sigur í síðustu umferð gegn Víking R 2-1 þar sem Hilmar Trausti Arnarsson og Marco Kirsch skoruðu mörk Haukamanna. Liðið býr yfir efnilegum drengjum en inn á milli má finna reynslubolta eins og Þórhall Dan Jóhannsson.

Þetta er mjög mikilvægur leikur fyrir Haukamenn ef þeir ætla að eiga möguleika á því að komast upp en þeir eru nú 7 stigum á eftir Selfyssingum sem er í 2.sæti.

KA:
Enn hefur KA ekki fengið nema 4 stig á útivelli, 1 gegn Fjarðarbygg og 3 stiggegn Þór. Nú á dögunum fór Guðmundur Óli aftur til Völsungs en Guðmundur hafði tekið þátt í 13 leikjum og skorað 3 mörk. KA-menn fengu þó mann í hans stað, Andri Júlíusson kom á láni frá ÍA og mun hann væntanlega spila sinn fyrsta leik í dag.

KA er með 16 stig eins og Þór og Fjarðabyggð, með 18 stig eru svo Víkingur Ó og Víkingur R. Það er mikill pakki í kringum okkur og það væri fínt að
losna frá honum og sigur í þessum leik væri góð byrjun á því.

Dómari: Gunnar Sverrir Gunnarsson
Aðstoðardómarar: Gunnar Jarl Jónsson og Oddbergur Eiríksson
Eftirlitsmaður: Þórður Ingi Guðjónsson