Upphitun: ÍBV - KA

Á morgun, laugardag, fara strákarnir til Vestmannaeyja og etja kappi við topplið ÍBV. Ljóst er að leikurinn verður virkilega erfiður enda Eyjamenn efstir með fullt hús stiga. Leikurinn hefst kl. 14:00 á Hásteinsvelli.

ÍBV:
Eyjamönnum var spáð 2. sæti spá af fyrirliðum og þjálfurum núna rétt fyrir mót.Í sumar hafa ÍBV verið í algjörum sérflokki í 1. deildinni og eru með fullt hús stiga. Liðið er búið að skora 15 mörk og fá aðeins eitt mark á sig í sex leikjum. Heimavöllur Eyjamanna hefur reynst þeim drjúgur í gegnum tíðina og er þetta tímabil enginn undantekning.

Vörn liðsins er firnasterk og hefur aðeins einu liði tekist að skora gegn henni en það gerði Þórhallur Hinriksson úr víti í síðustu umferð. Sóknarleikur þeirra er einnig framúrskarandi en þar ber helst að nefna þá Atla Heimisson og Augustine Nsumba. Milli stanganna stendur síðan reynsluboltinn Albert Sævarsson sem þarf vart að kynna en hann varði mark Grindvíkinga um árabil og spilaði síðan í Færeyjum í nokkur ár. Þjálfari þeirra er Heimir Hallgrímsson en hann hefur þjálfað liðið síðastliðinn þrjú ár.

Síðustu leikir Eyjamanna:

10. júní	Víkingur R. 1 - 4 ÍBV	Pétur Runólfsson, Atli Heimisson, Matt Garner, Ingi Ingibergsson.
6. júní	ÍBV 3 - 0 Fjarðabyggð	Bjarni Einarsson, Andri Ólafsson, Augustine Nsumba
23. maí	ÍBV 2 - 0 Stjarnan	Þórarinn Valdimarsson, Augustine Nsumba
18. maí	Þór 0 - 2 ÍBV	Atli Heimisson, Andri Ólafsson
12. maí	ÍBV 2 - 0 Leiknir R.	Atli Heimisson 2.

---

KA:
Tímabilið er búið að vera sveiflukennt með meiru og þarf liðið virkilega að hafa fyrir hlutunum ætli þeir sér sigur í Eyjum. KA hefur ekki gengið vel á Hásteinsvelli í gegnum tíðina og er bara að vona að það verði breyting á því á morgun. Nokkrir jákvæðir punktar voru í síðasta leik, t.d. sá að varamennirnir áttu stóran þátt í sigrinum og það var virkilega gaman að sjá Orra Gústafsson og Magnús Blöndal. Elmar og Dean voru ekki með í síðasta leik, Elmar er erlendis en Dínó var tæpur vegna meiðsla sem hann ætti að vera orðinn heill af núna.

Síðustu leikir KA-manna:

10. júní	KA 2 - 1 KS/Leiftur	Ingi Freyr, Magnús Blöndal.
6. júní	Njarðvík 1 - 0 KA
3. júní	Magni 0 - 3 KA	Norbert 2, Arnar M.
30. maí	KA 2 - 1 Haukar	Guðmundur Óli og Þórður Arnar.
23. maí	KA 2 - 2 Selfoss	Guðmundur Óli og Norbert

---

ÍBV - KA, Hásteinsvöllur - 14:00, laugardaginn 14. júní

Dómari: Ólafur Kjartansson
Aðstoðardómarar: Einar Sigurðsson og Ingi Freyr Arnarsson

Aðrir leikir í sjöundu umferð -
laugardaginn 14. júní (14:00)
KS/Leiftur - Haukar
Leiknir R. - Víkingur R.
Þór - Fjarðabyggð
Stjarnan - Víkingur Ó.

sunnudaginn 15. júní (20:00)
Njarðvík - Selfoss

- aðalsteinn halldórsson