Upphitun: KA - ÍBV

Á morgun mætir KA toppliði ÍBV á Akureyrarvelli og hefst leikurinn klukkan 18.30. KA er sem stendur í 5. sæti á meðan ÍBV vantar aðeins sex stig til að komast upp.
KA-stuðningsmenn ætla að hittast á Allanum kl. 17:30 og þar verða Vinir Sagga fremstir í flokki áður en haldið verður á Akureyrarvöll.

ÍBV:
Eyjamenn eru komnir með annan fótinn upp í úrvalsdeildina og þurfa aðeins tvo sigurleiki til að tryggja sér veru meðal þeirra bestu á næstu leiktíð. Heimavöllurþeirra hefur verið ógnarsterkur og hefur ÍBV unnið alla heimaleiki sína í sumar. Liðið hefur sex stiga forskot á Selfoss sem eru í öðru sæti og virðist fátt benda til þess að liðið sé ekki á leiðinni upp.

Vörn ÍBV er búinn að vera eins og veggur fyrir önnur lið deildarinnar en ÍBV hefur aðeins fengið á sig 9 mörk í allt sumar sem verður að teljast frábært afrek. Markahæstur í liði ÍBV er Atli Heimisson en hann hefur skorað 10 mörk í deildinni í sumar. En hann skoraði einmitt gegn KA í fyrri leik liðanna á þessari leiktíð en honum lauk með 1-0 sigri ÍBV.

Síðustu leikir ÍBV:

ÍBV 1 - 0 Víkingur R.	Yngvi Borgþórsson
Fjarðabyggð 0 - 1 ÍBV	Atli Heimisson
ÍBV 3 - 1 Víkingur Ó.	Þórarinn Ingi Valdimarsson, Atli Heimisson 2
Stjarnan 1 - 0 ÍBV
ÍBV 4 - 1 Þór	Atli Heimisson 2, Bjarni Hólm, Andri Ólafs.

---

KA:
Liðið er í fimmta sæti eftir 17. umferðir og fylgir fast á hæla Hauka í fjórðasætinu sem eru aðeins einu stigu ofar en við. Síðasti leikur var slakur og var liðið heppið fara með eitt stig frá Siglufirði. KA hefur heilt yfir gengið vel á heimavelli í sumar og hafa flest stig liðsins komið af heimavelli. Janez Vrenko kemur aftur inn í hópinn eftir að hafa tekið út leikbann gegn KS/Leiftri. Gaman verður að sjá hvort KA nái að standa í toppliði ÍBV á morgun.

Síðustu leikir KA:

16. ágúst	KS/Leiftur 0 - 0 KA
12. ágúst	KA 2 - 1 Njarðvík	Arnar Már, Elmar Dan
7. ágúst	Haukar 0 - 1 KA	Arnar Már
29. júlí	Selfoss 2 - 1 KA	Andri Fannar
21. júlí	KA 1 - 1 Víkingur R.	Gyula Horvarth

---

KA - ÍBV, Akureyrarvöllur - 18:30, fimmtudaginn 21. ágúst

Dómari: Einar Örn Daníelsson
Aðstoðardómarar: Jóhann Gunnarsson og Marinó Steinn Þorsteinsson
Eftirlitsmaður: Rúnar Guðlaugsson

Aðrir leikir í 18. umferð:
fimmtudaginn 21. ágúst
Víkingur R. - Leiknir R.
Selfoss - Njarðvík
Víkingur Ó. - Stjarnan

laugardaginn 23. ágúst
Haukar - KS/Leiftur
Fjarðabyggð - Þór

 - Aðalsteinn Halldórsson