Umfjöllun: Víkingur R. - KA

KA-menn sóttu Víkinga heim í 2. umferð 1. deildar karla í gærdag. Aðstæður til knattspyrnuiðkunar voru prýðilegar, veður nokkuð stillt og þurrt, völlurinn virðist koma ágætlega undan vetri.

Víkingur Reykjavík 3 - 1 KA
1-0 Jón Guðbrandsson ('23)
2-0 Jón Guðbrandsson ('24)
3-0 Jimmy Hoyer ('70)
3-1 Dean Martin ('73)
Rautt spjald: Almarr Ormarsson (KA) ('50)

Umfjöllun á Fótbolta.net
Deildin á KSÍ.is

---

Varamenn:Steinþór Már, Orri, Haukur Heiðar, Hjalti Már og Þórður Arnar(Steinn G, 70mín).

---

Víkingar byrjuðu leikinn af miklum krafti og áttu nokkur ágætis færi áður en KA-menn létu að sér kveða. Fyrsta færi KA-manna kom á 8. mínútu en þá skallaði Janez hornspyrnu þjálfarans yfir. Dean var aftur á ferðinni 5 mínútum síðar þegar hann geystist upp hægri kantinn, lék á varnarmann Víkinga og átti góða fyrirgjöf sem Almarr reyndi að klippa en fyrirliðinn hitti ekki boltann.

Á 14. mínútu fengu Víkingar dauðafæri þegar vinstri bakvörðurinn Hörður Sigurjón Bjarnason slapp einn inn fyrir vörn KA-manna, hann tók sér heldur mikinn tíma í skotið og Janez náði að hlaupa hann uppi og bjarga á síðustu stundu. Á 16. mínútu vann Almarr aukaspyrnu sem Norbert setti rétt fram hjá af 25 metra færi.

Á 23. mínútu dróg til tíðinda. Hörður Sigurjón átti góða sendingu upp vinstri vænginn á Gunnar Kristjánsson sem skallaði boltann fram hjá Túfa og upp að endamörkum og lagði hann svo inn á Jón Guðbrandsson sem stóð einn og óvaldaður á markteignum og átti ekki í vandræðum með að koma boltanum fram hjá Sandor í markinu, 1-0 fyrir heimamenn. Strax mínútu síðar misstu KA-menn boltann klaufalega á hættulegum stað, boltinn barst til Gunnars Kristjánssonar á vinstri vængnum, Gunnar lék á Túfa og lagði boltann út í teiginn á Jón Guðbrandsson sem skoraði með góðu skoti í fjærhornið, 2-0 fyrir Víking. KA-menn virtust slegnir út af laginu við mörkin tvö og áttu í töluverðum erfiðleikum með að spila boltanum á milli sín það sem eftir lifði fyrri hálfleiks. Víkingar sköpuðu sér þó ekki teljandi marktækifæri og þar við sat, 2-0 í leikhléii.

KA-menn urðu fyrir áfalli strax á upphafsmínutum síðari hálfleiks þegarfyrirliðinn Almarr fékk að líta beint rautt spjald fyrir að því er virtist slá til Hörðs Sigurjóns Bjarnasonar en þeir höfðu varið að kljást í innkasti. Það virtist sem brottvísun Almarrs hafi barið KA-menn saman því þeir tóku leikinn í sínar hendur, héldu boltanum vel innan liðsins og sóttu stíft að marki Víkinga. Víkingar áttu þó sínar sóknir og á 70. mínútu unnu þeir hornspyrnu sem þeir skoruðu úr, erfitt var að sjá hver skoraði markið en vallarþulur skráði það á Jimmi Hoyer, 3-0.

Á 72. mínútu fengu KA-menn aukaspyrnu á vítateigshorninu vinstra megin, Andri Fannar tók spyrnuna en ágætt skot hans fór rétt fram hjá markinu. Tveimur mínútum síðar skallaði Janez fyrirgjöf Dean rétt fram hjá. Á 77. mínútu fengu KA-menn aukaspyrnu á vítateigshorninu vinstra megin, Dean tók spyrnuna á meðan Ingvar Kale markvörður Víkinga var að stilla upp veggnum og skrúfaði boltann upp í fjærhornið. Dómarinn hafði ekki sýnt flautuna svo markið stóð, 3-1. Lengra komust KA-menn ekki og sanngjarn sigur Víkinga staðreynd. 

Lið Víkings er sterkt og þeir verða áræðanlega í toppbaráttunni í sumar. KA-menn sýndu það á köflum í leiknum að þeir geta vel spilað fótbolta. Eitt stig eftir tvo leiki er kannski ekki það sem menn vonuðust eftir en mótið er hvergi nærri búið. Næsti leikur er næstkomandi föstudag á heimavelli gegn Selfyssingum sem eru með fullt hús stiga eftir fyrstu tvær umferðirnar. Það er ljóst að þar verður hart barist. Allir á völlinn og áfram KA!

Spjöld:
Víkingur:
Gult: Sinisa Kekic ´42 Jimmi Hoyer ´88

KA:
Gult: Dean ´52
Rautt: Almarr ´50    

- Ólafur Arnar Pálsson skrifar úr Víkinni