Fréttir

Í Hagaskóla sigraði Þróttur Reykjavík vængbrotið KA lið í 1. deild kvenna.  Þróttur sigraði fyrstu hrinuna á 12 mínútum, 25-7.  Önnur hrinan fór 25-17 og sú þriðja 25-13. Seinni leiknum lauk einnig með öruggum sigri Þróttara 3-0 (25-22, 25-14, 25-6) en talsvert marga spilara vantaði í lið KA í þessum leikjum. Með sigrinum tryggði Þróttur sér deildarbikarinn og mætast þessi lið aftur í úrslitakeppninni 10. og 12. apríl nk.

KA menn unnu Þrótt frá Reykjavík í tvígang um helgina í karlaflokki. Fyrri leiknum lauk 1-3 (21-25,22-25,25-22,22-25) og þeim síðari 2-3 (26-24,25-21,19-25,19-25,14-16) eftir að Þróttur hafði komist í 2-0. Uppspilarinn Filip Szcewcyk var í leikbanni í síðari leiknum og kom það því í hlut Davíð Búa Halldórssonar að spila upp og fórst honum það vel úr hendi.

KA menn voru sigursælir á lokahófi Blaksambands Íslands sem fram fór um helgina. Davíð Búi Halldórsson fékk verðlaun sem stigahæsti leikmaðurinn, bæði alls og í sókn. Einnig fékk hann viðurkenningu sem bestur í móttöku. Það dugði þó ekki til sem besti leikmaðurinn heldur féll sá heiður í skaut Störnumannsins Wotjek Bachorski. Davíð var annar í kjörinu.

KA lék tvo leiki við ÍS í Hagaskóla í 1. deild karla um helgina. KA sigraði í báðum leikjunum og lyftu sér upp fyrir HK í annað sæti deildarinnar.

KA stúlkur töpuðu fyrir Þrótti frá Neskaupsstað í tveimur leikjum um helgina. Báðum leikjunum lauk 0-3 (13-25, 13-25 & 15-25 á föstudag og 18-25, 17-25 & 14-25 á laugardag) fyrir gestunum sem verma annað sætið í deildinni. Móttakan hjá heimaliðinu var afar slök í leikjunum tveimur og reyndist liðinu því erfitt að byggja upp almennilegar sóknir.

KA menn léku tvo leiki við Íslands- og bikarmeistara Stjörnunar á Íslandsmótinu um helgina. Skemmst er frá því að segja að Stjarnan hafði betur í báðum leikjunum 3-1.

S byrjaði reyndar betur í leiknum á föstudaginn og náði forystunni í upphafi leiks en með talsverðri seiglu sigldi KA fram úr og vann fyrstu hrinuna 25-23. Um miðja aðra hrinuna kom gamla kempan Hjörtur Halldórsson inn á í liði KA og eftir það átti ÍS enga möguleika og lauk hrinunni 25-14.

Annar flokkur karla kom skemmtilega á óvart þegar þeir sigruðu 2. fl. HK á sunnudaginn var. Liðið ekki leikið saman áður og lék Sigurbjörn Friðgeirsson sinn fyrsta leik með KA sem uppspilari og stóð sig mjög vel.

Kvennaliðið átti erfitt uppdráttar í fyrri leik liðanna um helgina. Liðið náði aldrei að komast í takt við leikinn og tapaði honum örugglega 3-0. Í seinni leiknum sýndi liðið góða takta en hafði ekki reynsluna til að landa sigri í hrynum. Þó er greinilegt að liðið hefur tekið miklum framförum frá því að hinn pólski, Marek Bernat tók við liðinu. Besti leikmaður KA í leiknum var Natalia Gomzina ásamt uppspilaranum Unu Heimisdóttur. Kolbrún Jónasdóttir sýndi líka oft góð tilþrif. Stigahæsti leikmaður KA-liðsins í báðum leikjunum var Natalia Gomzina. Kvennaliðið leikur næst í deildinni eftir áramótin.

Yngriflokkamót BLÍ fór fram um helgina í Mosfellsbæ en HK var framkvæmdaraðili mótsins. KA sendi 7 lið á mótið og var árangurinn ágætur í mörgum flokkum. Bestum árangri náði 5. fl. b-liða en liðið varð í öðru sæti af tíu liðum - tapaði einungis einum leik.