Fréttir

Fimleikafélag Akureyrar verður með íþróttaskóla fyrir börn fædd 2016-2019 Hóparnir kallast S-hópar og æfa 1x í viku á laugardögum. Æfingar hefjast laugardaginn 4.september. Yfirþjálfari er Ármann Ketilsson ásamt hjálparhellum

Það er venja fimleikafélagsins að veita viðurkennigar í lok vetrar og hafa þessar viðurkenningar verið veittar á vorsýningu félagsins. Þar sem vorsýning félagsins fór ekki fram sökum fjöldatakmarkanna þá ákváðu þjálfarar í hópfimleikum að færa iðkendum viðurkenningarnar heim að dyrum. Viðurkenningarnar eru veittar fyrir ástundun og virkni annars vegar og mestu framfarir hins vegar. Valið var mjög erfitt eftir veturinn enda mismikið hægt að leggja stund á íþróttina vegna þeirra hamla sem hefur verið í heimunum öllum.

Búið er að ráða yfirþjálfara í hópfimleikum og hefur hún þegar hafið störf hjá okkur í FIMAK.

Fimleikafélag Akureyrar leitar að þjálfara til að þjálfa parkour, hópfimleika, áhaldafimleika og grunnhópa. Umsóknarfrestur er til 24.júlí og þarf viðkomandi að geta hafið störf í ágúst.

Íþróttamaður Fimleikafélags Akureyrar árið 2020 er Salka Sverrisdóttir. Salka hefur frá leikskólaaldri æft áhaldafimleika hjá Fimak, lengst af undir stjórn Florin og Mirelu Paun en síðastliðinn vetur hjá Mihaelu og Jan Bogodoi. Salka kláraði lokaþrep íslenska fimleikastigans vorið 2019 og tóku þá við æfingar og keppni í frjálsum æfingum en þess má geta að Salka er fyrsti iðkandi Fimak til að keppa í frjálsum æfingum fyrir hönd félagsins og í vor keppti hún með fyrsta liði Fimak í frjálsum æfingum á Bikarmóti FSÍ. Á síðasta ári var hún fyrst iðkenda Fimak valin í unglingalandslið stúlkna í áhaldafimleikum og var stefnan sett á þátttöku á Norðurlandamóti sem því miður féll niður vegna Covid. Salka er dugleg, ósérhlífin og viljasterk og þessir eiginleikar hafa fleytt henni langt í íþróttinni. Hún er mikil og góð fyrirmynd annarra iðkenda félagsins, hjálpsöm, réttsýn og vingjarnleg og það er yfirleitt mikið fjör í kringum hana á æfingum. Hún er verðugur handhafi titilsins íþróttamaður Fimak og við óskum henni alls hins besta í framtíðinni.

Nú hafa allir hópar nema keppnishópar lokið æfingum þennan veturinn og er óhætt að segja að hann hafi verið öllum erfiður hvort sem eru iðkendur, þjálfarar eða foreldrar. Bæði vöntun á þjálfurum og Covid hafa sett svip sinn á þennan vetur. Af því tilefni vill stjórn FIMAK þakka iðkendum, þjálfurum og foreldrum innilega fyrir að halda þetta út með okkur. Stjórn FIMAK eins og aðrir horfa til bjartari tíma og er það ósk okkar að þið verðið með okkur áfram því þið eruð frábær!! Kærar þakkir

Aðalfundur Fimleikafélags Akureyrar fer fram fimmtudaginn 10. júní kl. 20:30 í matsal Giljaskóla Við hvetjum foreldra, þjálfara og aðra sem láta málefni félagsins sig varða til þess að mæta á fundinn. Það vantar fólk í trúnaðarstörf hjá félaginu, stjórn, nefndir og ráð.

Fim - leikjaskóli FIMAK Í sumar býður FIMAK upp á fim-leikjanámskeið fyrir 6-10 ára krakka (2010-2015). Námskeiðin verða frá kl. 8:00 - 14:00 alla virka daga en einnig er hægt að kaupa pláss frá kl 8:00 – 12:00 , námskeiðin standa yfir í viku í senn. Námskeiðin samanstanda af fimleikaæfingum og ýmsum leikjum, bæði úti og inni. Krakkarnir þurfa að hafa með sér hollt og gott nesti fyrir morgunkaffi og hádegi fyrir þá sem eru til kl 14.

Óskum eftir yfirþjálfara í hópfimleikum, dansþjálfara í hópfimleikum og Parkour þjálfara.