Áki hampaði bikarnum fræga

Áki Egilsnes var besti leikmaður karlaliðs KA á nýliðnu tímabili í handboltanum en liðið tryggði sér eins og flestir ættu að vita sæti í deild þeirra bestu. Áki var upptekinn á landsliðsæfingum í Færeyjum þegar lokahófið fór fram og fékk því bikarinn nú fyrir skömmu.

KA lék aftur undir sínu eigin merki eftir að hafa leikið undir merkjum Akureyrar Handboltafélags frá árinu 2006. Það vakti mikla athygli á lokahófinu þegar bikarinn fyrir besta leikmann karlaliðsins var dreginn fram en hann var gjöf til handknattleiksdeildarinnar árið 1993 og eru nokkur ansi fræg nöfn á þessum merka bikar sem fór í frí á meðan sameinaða lið Akureyrar lék.

Á sama tíma og við óskum Áka aftur til hamingju með valið þá rifjum við upp þá frábæru leikmenn sem hafa hampað þessum frábæra bikar.

	Besti leikmaður KA 2017-2018 Áki Egilsnes
	Besti leikmaður KA 2005-2006 Jónatan Magnússon
	Besti leikmaður KA 2004-2005 Halldór Jóhann Sigfússon
	Besti leikmaður KA 2003-2004 Arnór Atlason
	Besti leikmaður KA 2002-2003 Jónatan Magnússon
	Besti leikmaður KA 2001-2002 Andrius Stelmokas
	Besti leikmaður KA 2000-2001 Guðjón Valur Sigurðsson
	Besti leikmaður KA 1999-2000 Guðjón Valur Sigurðsson
	Besti leikmaður KA 1998-1999 Lars Walther
	Besti leikmaður KA 1997-1998 Sigtryggur Albertsson
	Besti leikmaður KA 1996-1997 Björgvin Þór Björgvinsson
	Besti leikmaður KA 1995-1996 Róbert Julian Duranona
	Besti leikmaður KA 1994-1995 Patrekur Jóhannesson
	Besti leikmaður KA 1993-1994 Valdimar Grímsson
	Besti leikmaður KA 1992-1993 Alfreð Gíslason