Fréttir

Vegna vetrarfrís í grunnskólum verður frí frá handboltaæfingum hjá 7. og 8. flokki stráka og stelpna föstudaginn 24. og laugardaginn 25. febrúar.  Sjáumst hress og endurnærð eftir helgina. Þjálfarar.

Fram sigraði KA/Þór með átta mörkum í leik liðanna í N1 deildinni í gær. Leikurinn fór ágætlega af stað og jafnt á fyrstu tölum, Frida varði vítakast í stöðunni 2-2. Fram liðið sýndi í framhaldinu að það er ekki tilviljun að þær eru á toppi deildarinnar. Einhvernveginn virtist þó sem að flestar KA/Þór stelpnanna hefðu ekki alveg trú á að þær ættu möguleika í leiknum, það voru eiginlega bara Ásdís Sigurðardóttir og Martha Hermannsdóttir sem börðust í sóknarleiknum og skutu á markið.

Það verður enginn smáleikur í KA heimilinu á laugardaginn þegar KA/Þór tekur á móti Fram sem er í 1.-2. sæti deildarinnar. Eftir tvo sigurleiki í röð fá stelpurnar svo sannarlega tækifæri til að setja strik í reikninginn hjá stórliðinu. Leikurinn er klukkan 16:00 á laugardaginn og það er frítt inn, komið og sjáið alvöru handbolta. Sömu lið mætast í 3. flokki klukkan 13:30 á laugardaginn og þar verður ekki síður harður slagur, liðin eru í 2. og 3. sæti deildarinnar.

KA/Þór stelpurnar fylgdu eftir góðum sigri á HK með því að leggja FH liðið að velli á útivelli í gær. Grunnurinn að sigrinum var lagður í fyrri hálfleik en í hálfleik höfðu norðanstelpurnar náð fjögurra marka forystu, 8 - 12.

KA/Þór tók á móti HK í N1 deild kvenna á laugardaginn. Akureyrarstelpurnar báru enga minnimáttarkennd fyrir Kópavogsstúlkum sem eru í 3. sæti deildarinnar og skoruðu fyrstu fjögur mörk leiksins. KA/Þór hafði prýðistök á leiknum, tölurnar 8-4 og 11-7 sáust á markatöflunni en HK náði að minnka muninn í 11-8 fyrir lok hálfleiksins með marki beint úr aukakasti eftir að leiktímanum var lokið.

Þá er Evrópumeistaramótinu lokið og þar með fer N1 deildin á fulla ferð að nýju hér heima. Á fimmtudaginn fer fram heil umferð í deildinni og fyrsti leikurinn er einmitt hér í Íþróttahöllinni þar sem við fáum firnasterkt lið HK í heimsókn. Leikurinn er ákaflega þýðingarmikill fyrir bæði liðin sem eru í baráttunni um sæti í úrslitakeppninni í vor. Baráttan er jöfn þar sem HK og FH eru í 2. – 3. sæti, einu stigi á undan Akureyri og Fram og því augljóst að það verður ekkert gefið eftir í þessum leik.

Fimmtudaginn 2. feb kl 17:40 hefst baráttan um bæinn í KA-Heimilinu. KA-2 er í hefndarhug gegn taplausum Þórsurum. Búist er við þéttum og skemtilegum leik og því ættu allir að mæta!! 

Það verður mikið um að vera í KA heimilinu í dag, föstudaginn 20. janúar,  fimm handboltaleikir hjá yngri flokkum félagsins og einn hjá 2. flokki Akureyri handboltafélags. Um að gera að koma í KA heimilið og sjá unglingana okkar í handbolta, kveikt verður á sjónvarpinu fyrir þá sem vilja horfa á landsleikinn. Kl. 15:30 4. flokkur karla KA-Selfoss Kl. 16:30 3. flokkur karla KA-Selfoss Kl. 18:00 2. flokkur karla Akureyri-Selfoss Kl. 20:00 4. flokkur karla KA-Víkingur 1. deild Kl. 21:00 4. flokkur karla KA-Víkingur 2. deild

KA-1 mætir Selfossi í KA-Heimilinu kl. 16:30 á föstudaginn 20. jan. Selfyssingar eru á toppnum og taplausir en KA menn eru á botnum og þurfa því á öllum þeim stuðningi að halda sem möguleiki er á, því þörf er á stigum.

Grótta lagði KA/Þór með eins marks mun, 26-25, í hörkuleik í KA-heimilinu á laugardaginn í uppgjöri botnliðanna í N1-deild kvenna í handknattleik. Leikurinn var hnífjafn nánast frá upphafi til enda. Sunna María Einarsdóttir skoraði 26 mark Gróttu rúmri mínútu fyrir leikslok og það reyndist sigurmark leiksins. Grótta fer með sigrinum uppfyrir KA/Þór og hefur þrjú stig í sjöunda til áttunda sæti, líkt og FH, en KA/Þór situr á botninum með tvö stig.