Opna Norðlenska mótið 8.-10. sept og leikmannakynning

Á fimmtudaginn byrjar handboltinn að rúlla hér norðan heiða þegar við fáum fimm lið í heimsókn í árlegt æfingamót sem líkt og í fyrra er kennt við Norðlenska. Liðin sem koma að þessu sinni eru úrvalsdeildarliðin: Afturelding, Haukar, Valur ásamt 1. deildarliðunum ÍR og Stjörnunni.

Hvert lið leikur fjóra leiki og hefst fjörið á fimmtudaginn en þá verða leiknir þrír leikir og ráða úrslit þeirra hvernig liðin raðast í riðla. Á föstudag leika öll liðin tvo leiki og ætti þá að vera ljóst með röð þeirra í riðlunum en mótinu lýkur svo á laugardag með því að liðin leika um sæti, efstu lið riðlanna leika um 1. sætið og þannig áfram.

Mótið er mikilvægur þáttur í undirbúningi liðanna fyrir átökin í Íslandsmótinu en N1 deildin hefst mánudaginn 26. september. Eins og kunnugt er tók Akureyrar liðið þátt í æfingamóti í Þýskalandi í lok ágústmánaðar.

Mótið hefst fimmtudaginn 8. september með þrem leikjum og ráða úrslit þeirra niðurröðun liðanna í riðlana tvo. Athugið að tímasetning þessara leikja hefur breyst frá því sem auglýst er í dagskránni og hefjast þeir sem hér segir:

18:00	Akureyri	Afturelding	Leikur 1
19:30	Valur	Stjarnan	Leikur 2
21:00	ÍR	Haukar	Leikur 3

Vinningslið úr leikjum 1 og 2 hér að ofan ásamt tapliðinu úr leik 3 fara í riðil 1 og hin liðin fara í riðil 2.

Föstudaginn 9. september fer riðlakeppnin fram og leika öll liðin tvo leiki.

Dagskrá föstudagsins er þannig:

13:00	Tapliðið úr leik 1 (lið 1)	Tapliðið úr leik 2 (lið 2)	Leikur 4
14:30	Sigurliðið úr leik 1 (lið 4)	Tapliðið úr leik 3 (lið 6)	Leikur 5
16:00	Lið 1	Sigurliðið úr leik 3 (lið 3)	Leikur 6
17:30	Sigurliðið úr leik 2 (lið 5)	Lið 6	Leikur 7
19:00	Lið 2	Lið 3	Leikur 8
20:30	Lið 4	Lið 5	Leikur 9

Laugardaginn 10. september lýkur mótinu með því að leikið verður um sæti.

11:00	Leikur 5. sæti	Leikur 10
12:30	Leikur 3. sæti	Leikur 11
14:00	Leikur 1. sæti	Leikur 12

Leikinn er fullur leiktími eða 2 x 30 mínútur.
Verðlaun veitt fyrir 1. sæti og einnig fá Besti markmaður, Besti varnarmaður, Besti sóknarmaður og Besti leikmaður mótsins viðurkenningar.

Aðgangseyrir á mótið er 1.000 krónur og gildir miðinn á alla leiki mótsins.

A.m.k. þrír fyrrum leikmenn Akureyrar eru væntanlegir með liðunum, Halldór Logi Árnason gekk til liðs við ÍR í sumar, Bjarni Jónasson leikur með Stjörnunni og Hafþór Einarsson varði mark Aftureldingar síðasta vetur.

Leikmannakynning
Að loknum leik Akureyrar og Aftureldingar á fimmtudaginn verður árleg leikmannakynning félagsins. Hún hefst klukkan 20:00 og verður í Íþróttahöllinni.

Hefur þú áhuga á að vídeóupptökum?
Við auglýsum eftir áhugasömum aðilum til að taka upp á vídeó heimaleiki Akureyrar Handboltafélags. Viðkomandi þyrfti helst að ráða yfir tökuvél.
Það er mikilvægt fyrir þjálfara og liðið að geta farið yfir vídeó eftir leikina til að greina hvað gekk vel og hvað mætti betur fara. Ef þú hefur áhuga að taka þetta að þér eða veist um einhvern þá væri frábært að hafa samband við Hlyn Jóhannsson í síma: 858 0444.