Skemmtilegur jólahandbolti í KA-Heimilinu

Handbolti

Í dag á öðrum degi jóla rifjuðu fyrrum handboltaleikmenn úr KA upp takta sína en þessi skemmtilega hefð hefur haldist undanfarin ár. Engin breyting var á því í ár og eru stelpurnar einnig komnar í gang en þær héldu sinn fyrsta bolta í fyrra og náðu saman skemmtilegum hóp í ár einnig.

Standið á mönnum var auðvitað misjafnt en hugmyndin með boltanum er að sjálfsögðu aðallega að menn hittist og rifji upp gamla tíma þó keppnisskapið sé klárlega til staðar og barist til síðustu sekúndu.

Það er ótrúlega gaman að sjá hve sterk tengingin við KA er enn hjá fyrrum iðkendum og ljóst að strax er komin tilhlökkun fyrir boltanum á næsta ári!

Smelltu á myndirnar til að sjá þær stærri


Knattspyrnufélag Akureyrar  |  Dalsbraut 1 600 Akureyri  |  S. 462 3482  |  handbolti@ka.is