Til foreldra drengja á yngra ári 6. flokks

Föstudaginn 20. nóvember er fyrirhuguð ferð í aðra umferð Íslandsmóts hjá drengjunum. Mæting er í KA heimilið kl. 11 og þurfa drengirnir því að fá frí í skóla þennan morgun. Þar sem undirritaður er að fara erlendis og kemur ekki aftur fyrr en seinni part næstu viku óskar hann eftir því að foreldrar biðji um leyfi fyrir drengina þennan morgun.

Mótið fer fram á föstudagskvöld og laugardagsmorgun. Við munum ljúka leik um hádegisbil á laugardag og heimkoma því áætluð um kvöldmatarleyti þann dag. Verð ferðarinnar er kr. 7.500 (innifalið rúta, gisting, tvær heitar máltíðir, morgunverður og sund).

Drengirnir þurfa að taka með sér dýnu og svefnpoka eða sæng, sundföt, útbúnað til keppni að undandskilinni keppnistreyju.  Afar mikilvægt er að drengirnir séu vel nestaðir. Gist verður í skólastofu en ekki hafa borist nánari upplýsingar um staðsetningu. Eins og áður kom fram er aðalþjálfari á leið til útlanda en foreldrar eru hvattir til að hringja í hann fimmtudaginn 19. nóvember ef frekari upplýsinga er þörf og fylgjast með heimasíðu.

Á morgun fimmtudaginn 12. nóvember eiga drengirnir að spila æfingaleiki við 5. flokk kvenna og fara leikirnir fram í KA heimilinu. Mæting kl. 15.15.

Aukaæfing er fyrir yngra ár laugardagsmorguninn 14. nóvember kl. 09.30. Afar mikilvægt að allir mæti.

Kveðja,
Jóhannes G. Bjarnason s. 662-3200