Tímarit N1-deildarinnar 2009-2010

Komið er út sérstakt kynningarrit N1 deildarinnar þar sem kynnt eru liðin sem taka þátt, bæði karlaliðin og kvennaliðin. Blaðið er unnið af Media Group ehf fyrir Handknattleikssamband Íslands. Tímaritið er veglegt og fullt af skemmtilegu efni.

Öll lið N1-deilda karla og kvenna eru skoðuð og sérfræðingur fer yfir styrkleika og veikleika liðanna og rýnir í möguleika hvers þeirra í deildarkeppninni á komandi leiktíð. Blaðinu er dreift á völdum bensínstöðvum N1 sem og í öllum íþróttahúsum félaga í N1-deildinni.

Ragnar Hermannsson lagði mat sitt á liðin í N1-deild kvenna en hann hefur mörg undanfarin ár verið í hópi sigursælustu þjálfaranna í kvennadeildinni og þar þekkir hann hverja þúfu og hvern hól.

Það er svo enginn annar en Árni Stefánsson sem varpar ljósi á liðin í N1-deild karla og ber hitann og þungann af umfjöllun blaðsins um karlaliðin. Árni er okkur á Akureyri að sjálfsögðu góðkunnur sem leikmaður og þjálfari til margra ára.

Hægt er að skoða PDF útgáfu blaðsins með því að smella hér.