Vel heppnað námskeið íþróttakennara og þjálfara

Um helgina 3.-4.október bauð HSÍ upp á námskeið fyrir íþróttakennara, handboltaþjálfara og leikmenn á Akureyri. 

Kristján Halldórsson og Boris Abakchef komu frá HSÍ og stjórnuðu æfingum fyrir ungmenni og þjálfara síðari hluta föstudags og á laugardag.

Á fyrsta hluta námskeiðsins  var farið var yfir nýjar áherslur fyrir yngri krakka í handbolta svokallað ,,softball“ eða minnibolti.  Þar er spilaður handbolti með mjúkan bolta, fáir í liði og minni mörk.  Þetta gefur krökkum meiri möguleika á hreyfingu og að allir fái að njóta sín.

Annar hluti námskeiðsins var fyrir stóra (hávaxna) krakka eða unglinga og farið yfir hreyfingar þeirra og skot.  Í þriðja hlutanum voru svo hornamenn teknir fyrir og þeim veitt tilsögn í skotum.

Margir þjálfarar KA og Þórs voru á námskeiðinu og auk þeirra voru mörg ungmenni félaganna með á þessum æfingum.  Allir voru sammála um að þetta væri lofsvert framtak hjá HSÍ og efldi áhuga bæði leikmanna og þjálfara.


Ánægðir þátttakendur á námskeiðinu ásamt leiðbeinendum.