Allt er komið á fullt í að rífa upp gamla gólfið í íþróttahúsinu.
Í dag hófust framkvæmdir við endurnýjun gólfs í íþróttahúsi KA, en til hefur staðið í mörg undanfarin
ár að fara í þessa framkvæmd, enda er hún löngu tímabær. Stórvirkum vinnuvélum er nú beitt til þess að
rífa gamla dúkinn af gólfi íþróttahússins, eins og sjá má á meðfylgjandi mynd.
Þessi framkvæmd felur í sér að skipta um gólf í húsinu og einnig áhorfendabekki. Nýtt gólf verður sambærilegt
við gólfið í nýja íþróttahúsinu við Síðuskóla - sem sagt dúkur á fjaðrandi gólfi. Gert er
ráð fyrir að nýtt gólf verði komið á sinn stað í lok þessa mánaðar og bekkirnir verði uppsettir fyrir lok
ágúst.
