KA-lið vikunnar - Forsprakkarnir

Fyrsta lið KA! En eins og allir vita var félagið stofnað 1928 af 12 vöskum drengjum sem við í dag kunnum miklar þakkir fyrir. Félagið var upphaflega stofnað sem knattspyrnufélag eins og nafnið gefur til kynna en það tók ekki nema nokkra mánuði þangað að farið var að keppa í frjálsum íþróttum innan félagsins, nánar tiltekið á 17.júní móti 1928.

En okkar fyrsta lið var fótbolta lið skipað 13 ungum mönnum. Liðið lék sinn fyrsta mótsleik í Apríl 1928 á Þórsvellinum gegn Þór og endaði sá leikur með 5-5 jafntefli. Það er kannski frekar kaldhæðnislegt að treyja félagsins var á þessum tíma röndótt rauð og hvít og svo ég vitni í fundargerð af framhaldsstofnfundi félagsins þar sem ákveðið var hvernig búningurinn skyldi líta út.

"Bolur með hvítum og rauðum langröndum, rauðum kraga og rauðum uppslögum á ermum. Buxur bláar með hvítum og rauðum böndum neðst á skálmum og upp skálmarnar að utan verðu" En eins og allir vita eru náttúrulega litirnir í merki félagsins, blár, rauður og hvítur.

Umrætt lið tók fyrst norðlenskra liða þátt í íslandsmóti og gerðist það 1929 en liðið lék einungis 2 leiki þrátt fyrir að liðin væru 6 í deildinni og endaði KA sitt fyrsta íslandsmót í neðsta sæti án stiga eftir töp gegn Val (4-0) og Víking R (3-0) en báðir leikir voru leiknir á gamla Melavellinum.

Hér að neðan er mynd af liðinu frá 1929.

Aftasta röð f.v Tómas Steingrímsson, Jakob Gíslason, Ólafur Magnússon, Jón Sigurgeirsson, Georg Karlsson, Eðvarð Sigurgeirsson, Hermann Stefánsson.

Miðröð: Kjartan Ólafsson, Jónas Jónsson, Kári Hálfdánarson, Barði Brynjólfsson.

Fremstir: Sigurður Jónsson, Einar Björnsson

Mynd: V.Sigurgeirsson

Heimild: Jón Hjaltason, "Saga félagsins í 60 ár - Í máli og myndum"