Samstarfssamningur yngriflokkastarf í knattspyrnu við Bústólpa

Í dag var undirritaður samstarfssamningur yngriflokkastarfs KA í knattspyrnu og fóðurvörufyrirtækisins Bústólpa sem felur í sér stuðning fyrirtækisins við yngri flokkana í ár og næstu tvö ár og þar með verður Bústólpi einn af stærri stuðningsaðilum yngri flokka KA í knattspyrnu.

"Stuðningur Bústólpa við yngriflokkastarf KA er okkur afar mikilvægur og fyrir hann viljum við þakka. Það kostar mikið að halda úti öflugu yngriflokkastarfi, eins og við teljum okkur vera að gera og birtist í mjög góðum árangri yngri flokka á þessum sumri. Þessi samningur við Bústólpa er liður í því að gera gott yngriflokkastarf enn betra," segir Óskar Þór Halldórsson framkvæmdastjóri knattspyrnudeildar KA