Úrslitaleikur Lengjubikarsins fer fram í dag - Áfram KA
KA og Breiðablik mætast í dag klukkan 17:00 í Kórnum. Þetta er úrslitaleikur Lengjubikarsins 2015 en fyrir þá sem ekki eiga heimagengt verður leikurinn sýndur beint á Sporttv.is en annars hvetjum við alla KA-menn í Reykjavík og nágrenni að kíkja á völlinn.
Breiðablik er með valinn mann í hverri stöðu og ljóst er að róðurinn verður þungur fyrir KA. Breiðablik hefur aðeins tapað einum leik í Lengjubikarnum til þessa en þeir hafa farið í gegnum Val og Víking á leið sinni í úrslitaleikinn. Þjálfari Blika er Arnar Grétarsson.
KA hefur verið mjög stígandi í keppninni og sannaðist það best í glæsilegum sigri liðsins á Fylki í 8-liða úrslitum. Í undanúrslitunum lögðu KA-menn ÍA á KA-vellinum eftir vítaspyrnukeppni.
Dómari leiksins í dag er Garðar Örn Hinriksson.
Allir á völlinn - Áfram KA