Fréttir

Ottó Björn var í dag valinn á úrtaksæfingar hjá U-18 ára landsliði Íslands í knattspyrnu sem fara fram í Kórnum dagana 1. og 2. mars næstkomandi. Þetta er í annað skiptið á stuttum tíma sem Ottó er valinn á úrtaksæfingar hjá U-18 og óskum við honum áfram góðs gengis á æfingunum

KA vann 4-0 stórsigur á Íslandsmeisturum Vals í gær er liðin mættust í Lengjubikarnum í Boganum í gær. KA liðið sýndi virkilega góða frammistöðu og hefur unnið alla leiki sína á undirbúningstímabilinu til þessa. Þórir Tryggvason og Sævar Geir Sigurjónsson ljósmyndarar voru á leiknum og mynduðu hann í bak og fyrir

Þór/KA hefur titilvörn sína í Lengjubikarnum í dag þegar liðið tekur á móti Stjörnunni í Boganum kl. 16:30. Það má búast við hörkuleik eins og alltaf þegar þessi lið mætast og hvetjum við að sjálfsögðu alla til að mæta og styðja stelpurnar eða fylgjast með gangi mála á KA-TV

KA tók á móti Íslandsmeisturum Vals í fyrsta leik liðanna í Lengjubikarnum í fótbolta í Boganum í dag. Fyrir leikinn var KA liðið búið að vinna alla sína æfingaleiki á undirbúningstímabilinu en ljóst að leikur dagsins yrði gríðarlega krefjandi enda flestir á því að lið Vals sé það besta á landinu

Hlaðvarpsþáttur KA heldur áfram göngu sinni og að þessu sinni mætir Óli Stefán Flóventsson þjálfari KA í knattspyrnu til þeirra Siguróla og Hjalta. Óli Stefán ræðir byrjunina á þjálfaraferli sínum með KA sem og komandi tíma hjá liðinu. Þeir félagar fara auk þess yfir víðan völl í skemmtilegu spjalli og um að gera að kynnast betur þjálfaranum okkar

KA hefur leik í Lengjubikarnum í knattspyrnu á laugardaginn þegar liðið tekur á móti Íslandsmeisturum Vals í Boganum klukkan 17:00. Það er um að gera að fjölmenna á leikinn enda gerast leikirnir vart stærri á undirbúningstímabilinu

Aðalfundur knattspyrnudeildar KA verður haldinn í KA-heimilinu mánudaginn 18. febrúar 2019 kl 20.00. Vonumst til að sjá sem flesta.

KA mun eiga fimm fulltrúa í U21 ára landsliði Íslands í knattspyrnu sem kemur saman til æfinga um miðjan mánuðinn. Þetta eru þeir: Aron Dagur Birnuson, Aron Elí Gíslason, Torfi Tímóteus Gunnarsson, Brynjar Ingi Bjarnason og Daníel Hafsteinsson.

KA og Þór mættust í kvöld í hreinum úrslitaleik í Kjarnafæðismótinu en leikurinn var liður í lokaumferð mótsins og dugði KA jafntefli til að tryggja sigur sinn á mótinu. Þar sem liðin leika ekki í sömu deild þá vill oft verða meira undir í leik sem þessum og var ansi góð mætingin í Bogann í kvöld

KA mætir Þór í úrslitaleik Kjarnafæðismótsins annaðkvöld í Boganum kl. 19:15. Allur aðgangseyrir að leiknum mun renna óskiptur til Grófarinnar geðverndarmiðstöðvar en aðeins kostar 500 krónur inn á leikinn. Frítt er fyrir 16 ára og yngri. Athugið að ekki verður posi á svæðinu